“Bula Marau ka Tawamudu—Veitikina lavetaki,” Me iSakisaki ni iTabagone, Nove. 2022.
Bula Marau ka Vakaoti
Veitikina lavetaki
E dina, na reki dina ka tudei kei na bula tawamudu kei ira eda lomana, sa tiki yaga ni ituvatuva ni bula marau ni Kalou. …
Ia, e sega ni dua vei keda, se dua na matavuvale e taucoko sara. …
E tiko na madigi bibi kei na isolisoli me da kunea na kila-ka vou vakayalo, na loloma, na veivutuni kei na veivosoti vakai keda kei na noda matavuvale, ena bula oqo kei na tawamudu. …
… Ena uto ni ituvatuva ni veivueti kei na marau ni Kalou, e yalataka o Jisu Karisito, ena Nona Veisorovaki, me cokotavata na yaloda kei na yagoda, “me sega tale ni veitawasei, io me da rawata na marau sa vuabale.” [Vunau kei na Veiyalayalati 138:17].
Veisorovaki—ena dua na gauna vei Karisito— e rawa ni kauta vata mai na duavata kei Koya vakai keda.
Na Kalou e kilai keda ka lomani keda kece vakataucoko.
Ena vuravura ni yalo, o ira mada ga na mate ena nodra ivalavala ca kei na talaidredre e tiko na madigi mera veivutuni.
Na Turaga e solia vei keda na madigi vakalou meda yaco me da vakataki Koya nida vakayacora na cakacaka vakalotu veivakabulai veisosomitaki ni valetabu era gadreva na tani ka ra sega ni rawa ni cakava vakai ira.
Na vakavinakataki ni noda veimaliwai kei na vakabulai ni yaloda e dredre, ka rairai dredre vei keda vakaikeda. Ia o lomalagi e rawa ni solia vei keda na kaukauwa kei na yalomatua ka uasivi mai na noda vakai keda, meda kila na gauna meda tautauri kina kei na gauna meda laiva kina. …
Meda qai toro voleka vua na noda iVakabula ena vale tabu, ka me qai tosoi keda voleka vua na Kalou ka vakakina vei keda, ni sa duavata na lomada ena yalo loloma vei Karisito, ena dina, kei na loloma uasivi ena noda vei itabatamata kece—ena bula oqo kei na tawamudu, meda marau kina ka tawamudu. … Ena vukui Jisu Karisito, ena rawa, ena vukui Jisu Karisito, e dina.