“Totoka ni Dravusa: Na Sala Veivakabulai ni Veivosoti—Tikina Lavetaki,” Me iSakisaki ni iTabagone, Nove. 2022.
Totoka ni Dravusa: Na Sala Veivakabulai ni Veivosoti
Tikina lavetaki
Kau sa Kana,, mai vei Kristin Yee
Eda sega ni biu tu meda valuta vaka ikeda na revurevu ca ni tamata; sa rawa talega meda vakataucokotaki ka soli na madigi meda vakabulai mai na bibi ni yalo luluqa kei na ivakarau e rawa ni yaco tale.
Sa gadrevi keda na Turaga meda veivosoti meda vinaka kina. Ia a sega ni kerea meda cakava ke sega na Nona veivuke, Nona loloma, Nona kila. Ena noda veiyalayalati kei na Turaga, sa rawa meda ciqoma yadua na kaukauwa, veidusimaki qaqaco, kei na veivuke eda gadreva meda veivosoti ka vosoti talega. …
A kaya o Koya: “Sa tu vei au na Yalo i Jiova, ni sa lumuti au ko koya meu vunautaka na itukutuku vinaka vei ira era sa dravudravua; ka talai au meu vakabulai ira sa yalorarawameu vunautaka na sereki vei ira na bobula, kei na rai tale vei ira sa mataboko, meu vagalalataki ira era sa mavoa” [Luke 4:18; vakuri na ivakamacala]
Vei kemuni sa yalorarawa, bobula, mavoa, se mataboko beka mai na mosi se ivalavala ca, o Koya ena veivakabulai, veivueti, ka veisereki. Au vakadinadinataka ni ka dina na veivakabulai kei na veivagalalataki. …
O Jisu Karisito sa nomu Mesaia, na nomu Dauveivueti ka iVakabula, sa kila o koya na gagadre ni yalomu. E gadreva o Koya mo vakabulai ka bula marau. E lomani iko. E tagi vata kei iko nio rarawa ka reki kei iko mo taucoko kina. Meda sa yalodei ka taura na Ligana dauloloma sa bau dodo yani ni da lakova na salatu ni veivakabulai ni veivosoti.