“Ena Siga Oqo—Tikina Lavetaki,” Me iSakisaki ni iTabagone, Nove. 2022.
Ena Siga Oqo
Veitikina lavetaki
Au taura tu i ligaqu e dua na ilavelave ni iVola i Momani. Oqo na noqu ilavelave cecere duadua ni 1970, au dau vakamareqeta sara. Ena kena irairai sa oca ka makawa mai, ia e sega tale ni dua na ivola e bibi cake ena noqu bula kei na noqu ivakadinadina me vakaoqo. Niu wilika au rawata kina e dua na ivakadinadina bula mai na Yalotabu nio Jisu Karisito na Luve ni Kalou,o Koya na noqu iVakabula,na ivolanikalou oqo na vosa ni Kalou, ka ni sa vakalesui mai na kosipeli.
“Ena siga oqo,” e dua na daukaulotu cecere ni iVola i Momani o Peresitedi Russell M. Nelson. …
Sa solia oti o koya na ilavelave eso ni iVola i Momani vei ira e drau vakadrau na tamata, ka tu kina na nona ivakadinadina bula i Jisu Karisito. …
Na noda parofita sa cakava tiko na nona itavi me luvuca na vuravura ena iVola i Momani. Ia ena sega ni rawa ni dolava duadua ga na isogo ni waluvu. Sa dodonu meda muri koya. …
… Au sureti iko, “ena siga oqo,” mo solia e dua na iVola i Momani vei ira na nomu itokani kei na matavuvale, nomu itokani e vanua ni cakacaka, nomu dauveivakatavulici ni soka, se o koya na dauvolitaki kakana ena makete. Era gadreva na vosa ni Turaga e tu ena ivola oqo. …
Au vakadinadinataka ena lewa vakalou sa vakarautaki mai kina na iVola i Momani e Amerika makawa me mai kacivaka na vosa ni Kalou, me kauta mai na yalo i Jisu Karisito kei na Nona kosipeli vakalesui mai ena “siga oqo.”