“Jisu Karisito sa iSakisaki ni iTabagone—Veitikina lavetaki,” Me iSakisaki ni iTabagone, Nove. 2022.
Soqoni ena Mataka ni Vakarauwai
Jisu Karisito Sa iSakisaki ni Tabagone.
Tikina lavetaki
Kevaka o tiko ena maliwa ni yabaki 11 kei na 18, e tiko e dua na noqu itukutuku vakabibi vei iko mai vua na nomu iVakabula, o Jisu Karisito.
Nona iTukutuku na iVakabula vei iKo
Noqu itokani lomani, ke tiko eke na iVakabula ena gauna sara ga oqo, na cava ena tukuna vei iko o Koya?
Au vakabauta ni na tekivu o Koya ena Nona vakaraitaka na Nona loloma titobu vei iko. …
Ia, e baleta nida malumalumu kece ka se sega ni taucoko, e dau basika eso na kauwai ena nomu vakanananu. O na nanuma beka eso na cala o a vakayacora, na veigauna ko a soli iko kina ki na veitemaki, na veika o diva mo a sega ni cakava—se diva mo a cakava vakavinaka cake.
Au vakabauta ni iVakabula ko Jisu Karisito ena vinakata mo raica, vakila, ka kila ni o Koya na ivurevure ni nomu kaukauwa. Ni ena Nona veivuke, ena sega ni vakaiyalayala na ka o ni na rawata.
Na iVakabula ena vakaraitaka vakamatata, ni o iko e dua na luvena yalewa se tagane ni Kalou Kaukauwa. Na Tamamu Vakalomalagi sai Koya na ka bula lagilagi duadua ena vuravura, sinai ena loloma, reki, savasava, vakalou, rarama, loloma vakalou, kei na dina. Ka dua na siga ena vinakata o Koya mo taukena na veika kece e taukena tu.
Me rawati oqo, o Koya a talai Jisu Karisito mai me mai nomu iVakabula. …
Oya na nomu icavacava. Oya na nomu veimataka. Oya na nomu digidigi!
Dina kei na Digidigi
Na ka bibi duadua ni ituvatuva ni Kalou me baleta nomu marau sai koya na nomu kaukauwa ni digidigi
Ni tiko na digidigi bibi mo cakava, o Jisu Karisito kei na Nona kosipeli vakalesui mai era sa digidigi uasivi duadua. Ni tiko nomu vakatataro, na muri Jisu Karisito kei na Nona kosipeli vakalesui mai era sa isau ni taro uasivi duadua. Nio vakila na malumalumu, o Jisu Karisito e nomu vu ni kaukauwa. …
Me iSakisaki ni iTabagone
Me vukei iko mo kunea na Sala ka me vukei iko mo taura na ivunau i Karisito me idusidusi veivakayarayarataki ena nomu bula, Na Lotu i Jisu Karisito ni Yalododonu e Daidai e sa vakarautaka edua na ivurevure vou, edua na ilavelave vou ni Me iSakisaki ni iTabagone
Me matata sara, na idusidusi uasivi duadua ka rawa ni tiko vei iko mo caka digidigi kina sai koya o Jisu Karisito. O Jisu Karisito na isakisaki ni itabagone.
Ka inaki ni Me iSakisaki ni Tabagone me dusimaki iko vei Koya. …
E bibi talega mo kila na Me iSakisaki ni iTabagone e sega ni cakava. E sega ni caka digidigi vei iko. E sega ni solia vei iko na “io” se “sega” ena veidigidigi kece o na rawa ni sotava. Me iSakisaki ni Tabagone e vakanamata kina yavu ni nomu digidigi. E vakanamata ki na yavunilewa, ivakavuvuli, kei na ivunau ka sega ni vakatabakidua ki na itovo eso. …
E cala beka me tiko na lawa? E sega sara. Eda gadrevi ira e veisiga. dIa e cala ga kevaka eda vakanamata vakadua ga ki na lawa ka sega ki vua na iVakabula.
iVakatagedegede Cecere Cake
Na ivakatagedegede i Jisu Karisito e cecere vei ira era muri Koya. Kei na veisureti me qarai vagumatua na Nona lewa ka bulataka na Nona dina e sai koya na itagede cecere duadua me rawati!
Na vei digidigi bibi eso vakayago ka vakayalo me na kakua ni vakatautaki ga ki na gagadre ni tamata vakayadua, se ki na ka e taleitaki se kilai levu. Na Turaga e sega ni tukuna tiko, “Cakava ga na ka o vinakata.”
O Koya e tukuna tiko, “Me Qaqa Duadua Ga na Kalou.”
O Koya e tukuna tiko, “Mo lako mai, mo muri au.”
O Koya e tukuna tiko, “Bula ena sala e savasava cake, cecere cake, ka matua cake.”
O Koya e tukuna tiko, “Muria na noqu ivakaro.”
O Jisu Karisito e noda ivakaraitaki uasivi, ka da saga ena noda igu kece meda muri Koya.
Noqu itokani lomani, meu tokaruataka, ke a duri tu eke na iVakabula nikua, ena vakaraitaka na Nona loloma tawayalani vei iko, kei na Nona nuitaki iko vakataucoko. O Koya ena tukuna vei iko ni o rawa ni cakava na veika oqo. O rawa ni tara cake edua na bula rekitaki, ka marautaki baleta ni o Jisu Karisito e nomu kaukauwa. E rawa ni o kunea na nuidei, sautu, taqomaki, marau, kei na okati eke kei na tawamudu, baleta ni o na kunei ira kece vei Jisu Karisito, ena Nona kosipeli, ena Nona Lotu.