“Vakarautaka na Gauna vua na Turaga-Veitikina lavetaki” Me iSakisaki ni iTabagone, Nove. 2022.
Dua na Yavu ni Vakatakila ni Tamata
Veitikina lavetaki
Eda gadreva me kila vinaka na ituvatuva e dau cakacaka kina na Yalo Tabu me vakarautaka na ivakatakila ni tamata yadua.
Na ivolanikalou e bulia na imatai ni yavu ni ituvatuva oqo me baleta na ivakatakila ni tamata yadua. Na kana magiti ena vosa i Karisito, me vaka e kune ena ivolanikalou, e dau vakauqeta na ivakatakila ni tamata yadua. …
Na ikarua ni yavu ni ituvatuva oqo sai koya na noda ciqoma na ivakatakila ni tamata yadua ena loma ga ni noda itavi ni veiqaravi, ka sega ni loma ni nodra lewa na tani. …
Na ivunau, ivakaro, kei na ivakatakila eso me baleta na Lotu era sa nona dodonu na parofita bula tiko, o koya e dau ciqomi ira mai vua na Turaga o Jisu Karisito.
Na parofita duadua ga e ciqoma na ivakatakila me baleta na Lotu.
Na ivakatakila ni tamata yadua e okati dina ga ki na tamata vakayadua. E rawa ni o ciqoma na ivakatakila, me baleta beka, na vanua mo bula kina, salatu ni cakacaka cava mo muria, se o cei mo vakamautaka.
A ikatolu ni yavu ni ituvatuva oqo sai koya na ivakatakila ni tamata yadua me veiyaloni kei na ivunau ni Kalou kei na veiyalayalati eda sa cakava vata kei Koya. …
Ni da kerea na ivakatakila e sa solia oti tu na Kalou na veidusimaki matata e baleta, eda sa dolavi keda tu ki na vakadewataki cala ni veika eda vakila ka rogoca na veika eda via rogoca. …
A ikava ni yavu ni ituvatuva o ya na nomu kila vinaka na veika sa vakatakila oti mai na Kalou vei iko duadua, kei na nomu tu vakarau ki na ikuri ni ivakatakila mai Vua. …
Au kila ni Yalo Tabu e rawata ka na vakaraitaka vei iko na veika kece mo kitaka.