Vakanamata ki na Valetabu
Tikina lavetaki
Kemuni na taciqu kei na ganequ, ena lima na soqoni vakasakiti oqo ni koniferedi raraba, eda sa mai vakila tale ni sa dolavi na lomalagi! Au masuta nio ni sa vola tiko na veika oni sa vakauqeti kina moni na talevi ira lesu tale. Erau sa tuvakarau tu na Tamada Vakalomalagi kei na Luvena Daulomani, o Jisu Karisito, me rau vukei kemuni. Au vakauqeti kemuni moni vakalevutaka na nomuni igu moni vaqara na Nodrau veivuke.
Ena dua na gauna wale toka ga qo, a donumaki keirau kei Sisita Nelson na madigi me keirau railesuva na ika 4 ni iwasewase ni Vidio ni iVola i Momani vou. Era vakauqeti keirau sara!
E bibi ni digitaka na iVakabula me rairai vei ira na tamata ena valetabu. Oqo na Nona vale. E vakasinaiti tu ena Nona kaukauwa. Me kakua ni seyavu mai na matada na veika sa vakayacora tiko vei keda na Turaga. Sa vakayacora tiko ko Koya me rawarawa ni yacovi yani na valetabu. Sa vakatotolotaka tiko o Koya na noda tara valetabu. Sa vakalevutaka tiko ko Koya na noda rawata me vakasoqoni Isireli. Sa vakarawarawataka tale tikoga ko Koya vei keda yadua meda yaco meda savasava vakayalo. Au yalataka na levu ni gauna ena valetabu ena vakalougatataka nomu bula ena ivakarau e sega tale ni dua na ka e rawata.
Kemuni na taciqu kei na ganequ, moni vakanamata kina valetabu ena veisala eso se bera vakadua nioo ni cakava. Au vakalougatataki kemuni moni toro voleka yani vua na Kalou kei Jisu Karisito e veisiga. Au lomani kemuni. Me sa tikoga kei kemuni na Kalou me yacova nida qai sota tale, sa noqu masu ena yaca tabu i Jisu Karisito, emeni.