“iDivi ni Veivakayaloqaqataki—Tikina Lavetaki,” Me iSakisaki ni iTabagone, Nove. 2022.
iDivi ni Veivakayaloqaqataki
Tikina Lavetaki
Me vaka a tukuna vei au o tinaqu niu vosakudrukudrutaka na dredre ni dua na ka, “Oi, Hal, esa dredre vakaidina. Sa dodonu me vakakina. Sa veivakatovolei tu na bula.”
E rawa ni kaya vakamalua oya o koya, ena matadredredre, baleta ni kila e rua na ka. Veitalia na dredre e sotava, na ka bibi duadua me na yaco kina vale ka tiko vata kei na Tamana Vakalomalagi. Ka kila tu o koya ni rawa ni vakayacora ena vakabauti ni nona iVakabula
Na idivi ni veivakayaloqaqataki a biuta tu mai vei keitou sa vakamacalataki vinaka ena Moronai 7, na nona veivakayaloqaqataki ko Momani kivei Moroni na luvena kei ira na nona tamata.
E biuti Jisu Karisito me liu, me vakataki ira kece era qaqa ena nodra veivakayaloqaqataki o ira era sasaga tiko ki cake ena salatu ki na nodra itikotiko vakalomalagi.
A raica o Momani na yalomalua me vakadinadina ni kaukauwa ni nodra vakabauta.
Sa qai vakauqeti ira o Momani ni vakadinadinataka ni ra sa tutaka tiko ni ciqoma na isolisoli ni kena vakatawani na lomadra ena loloma uasivi i Karisito. …
Ni talevilesu, au sa raica oqo na sala a vaqaqacotaki, tuberi, tokoni, ka veisautaki tinaqu kina na isolisoli ni loloma uasivi oya—na loloma savasava i Karisito, ena sasagataki ni nona ilakolako ki vale.
Sa kila vakamatata tu na iVakabula na dredre o sotava tiko. Sa kila o Koya na nomu sasaga levu mo tubu ena vakabauta, inuinui, kei na loloma cecere.
Na ivakaro kei na veiyalayalati e solia vei iko o Koya e sega ni vakatovolei me lewai iko kina. Era sa isolisoli me laveti iko ki na ciqomi ni solisoli taucoko ni Kalou kei na lesu i vale kivua na Tamada Vakalomalagi kei na Turaga, ka rau lomani iko.