“Veitokani vata kaya na Turaga,” Me iSakisaki ni iTabagone, Nove. 2022.
Veitokani vata kaya na Turaga
Tikina lavetaki
Na kosipeli vakalesuimai i Jisu Karisito e kacivaka na ivakavuvuli ni cakacaka vata vakataucoko ena kedrau maliwa na yalewa kei na tagane, ruarua ena bula vakayago kei na tawamudu. E dina ga ni rau dui taukena yadua na ivakarau ni tovo duidui kei na itavi lesi vakalou, na yalewa kei na tagane erau vakaitavi vakatautauvata ena ilesilesi yaga ena ituvatuva ni marau ni Kalou baleti ira na luvena. …
Me vaka na ivunau ni kosipeli, na kedrau duidui na yalewa kei na tagane e sega ni ulabaleta na yalayala tawamudu sa vakarautaka tu na Kalou vei ira na luvena tagane kei na yalewa. … E sega ni dua e uasivi cake na nona rawa ni taukena na lagilagi vakasilesitieli mai vua tale edua ena bula tawamudu. Na iVakabula vakataki Koya e sureti keda kece, na luve ni Kalou, meda lako mai vua ka vakaivotavota ena Nona vinaka ka sa sega ni bureitaka edua na ka vua e dua sa lako mai vua” [2 Nifai 2633]. O koya gona, ena vuku ni ka oqo, eda kunei nida sa tautauvata e Matana.
Nira kila ka bulataka na veiwatini na ivakavuvuli oqo, era na sega ni biuti ira kina ena itutu vakaperesitedi se ivukevuke ni peresitedi ni matavuvale. E sega na cecere se lolovira ena veiwekani vakaveiwatini, ka sega talega na taubale tiko e liu se e dakui kena ikarua. Erau salavata tiko, ka tautauvata, na luvena vakalou na Kalou. Erau duavata ena vakanananu, gagadre, kei na inaki vata kei na Tamada Vakalomalagi kei Jisu Karisito,ena kena liutaki ka tuberi vata na matavuvale.