“Vakabulabulataka ka Wasea na Nomu iVakadinadina—Veitikina lavetaki,” Me iSakisaki ni iTabagone, Nove. 2022.
Vakadreti kei na Wasei ni Nomu iVakadinadina
Tikina lavetaki
Au Kila Vakamatata beka se Cava Na iVakadinadina?
Na nomu ivakadinadina edua na iyau talei, ka dau vakatautauvatataki kei na veika o vakila vakayalo. Na veika e vakilai oqo era dau yaco mai vakamalua ka vakatokai me “domo lailai, malumu.” [1 Tui 19:12]. Sai koya na nomu vakabauta se kila na dina, ka soli mai me ivakadinadina vakayalo ena veivakayarayarataki ni Yalo Tabu.
Au Kila Beka se Wasei Vakacava Noqu iVakadinadina?
O wasea nomu ivakadinadina ni o wasea na veika o vakila vakayalo vei ira na tani. Ni o dua na lewe ni Lotu, na madigi mo wasea nomu ivakadinadina ena vosa e yaco ena gauna ni soqoni vakadonui ni Lotu se ena ivakarau ni veitalanoa yadudua, kei na matavuvale, itokani, kei ira talega na tani.
E dua tale na sala mo wasea nomu ivakadinadina sai koya ena ivakarau ni bula dodonu.
O ira na lewe ni Lotu kece era tu me ivakadinadina ni Kalou ena veigauna kecega, ena veika kecega, kei na veivanua kecega. Na madigi me vakayacori oqo ena initaneti ena vakayagataki ni nomu itukutuku veivakauqeti, se wasea na itukutuku e veilaveti era vakarautaka na tani, e tawayalani.
Na Cava So na iVakatatao ni Noqu Wasea na Noqu iVakadinadina?
Na ivakatatao ni nomu wasea nomu ivakadinadina ena rawa ni oka kina na sega ni kila na ka mo tukuna.
E dua tale na itatao na rere.
Vakabauta ena vakatarai iko mo ulabaleta na veivakanananu oqo
Meu Na Maroroya Vakacava Noqu iVakadinadina?
Au vakabauta ni ivakadinadina e tiki yaga ni noda bula, ia, me rawa ni da maroroya ka vakatorocaketaka, o Alama a vakavulica ni dodonu meda qarava vinaka mada na noda ivakadinadina. [raica na Alama 32:37]. …
Taciqu kei na ganequ lomani, au yalataka ke o na kila vakavinaka sara se cava na ivakadinadina, ni o wasea, o na rawa ni vorata na veivakataotaki ni lomalomarua kei na rere, ka na rawa kina vei iko mo susuga ka maroroya na iyau talei oqo, na nomu ivakadinadina.