“Muri Jisu Karisito ena Kalawa ni Vakabauta—Veitikina lavetaki,” Me iSakisaki ni iTabagone, Nove. 2022.
Muri Jisu Karisito ena Kalawa ni Vakabauta
Tikina lavetaki
Kemuni na taciqu kei na ganequ, au vakadinadinataka ni da muri Jisu Karisito ena kalawa ni vakabauta, sa tiko na inuinui. Sa tiko na inuinui vua na Turaga o Jisu Karisito. E tiko na inuinui vei keda kece ena bula oqo. Sa tiko na inuinui meda uabaleta na noda cala, noda rarawa, noda sasaga, kei na noda vakatovolei kei na noda leqa. E tiko na inuinui ena veivutuni kei na noda vosoti ka vosoti ira na tani. Au vakadinadinataka ni tiko na inuinui kei na vakacegu vei Karisito. Sa rawa Vua me kauti keda yani ki na veigauna dredre. E cakava o Koya me baleti ira na ivuvu taumada, ka na cakava o Koya ena gauna oqo me baleti keda yadua. …
Niu vakasamataki ira na ivuvu era sa vakarautaka na sala vei ira eso, au vakasamataka e liu na Parofita Josefa Simici.
O ira na noda daukaulotu nikua era sa painia se ivuvu ni gauna oqo baleta era sa wasea na itukutuku lagilagi oqo vei ira na tamata e vuravura, sa dolava kina na sala vei ira na luvena na Tamada Vakalomalagi mera kilai Koya kei na Luvena, o Jisu Karisito.
O Peresitedi Nelson e dua na ivuvu ni Lotu. …
Sa vakavulici keda ena sala meda na bula-rawati keda kina. …
Na noda iVakabula, o Jisu Karisito, na painia cecere duadua me vakarautaka na sala. E dina, o Koya “na sala”[Joni 14:6] ni ituvatuva ni veivakabulai me vakayacori rawa me rawa ni da veivutuni, kei na vakabauti Koya, ka lesu vei Tamada Vakalomalagi.
Meda sa qai muria na kalawa i Jisu Karisito, kei na vakabauta ena noda veikalawa yadua, ka rai Vua, ka teivaka tudei tiko na yavada ena salatu ni veiyalayalati.