“Na Loloma ni Kalou-Veitikina lavetaki” Me iSakisaki ni iTabagone, Nove. 2022.
Nodra Vukei na Dravudravua kei na Vakaleqai
Tikina lavetaki
E vuqa na veiqaravi ni welefea kei na bula raraba vei ira na wekada e vakatavulica era vakayacora Na Lotu i Jisu Karisito ni Yalododonu Edaidai kei keda na lewena. Me ivakaraitaki, eda lolo ena vei imatai ni vula ka solia kina, ke lailai sara, na isau ni rua na gauna ni kana mera vukei kina na vakaleqai tu ena noda vavakoso. Na Lotu e dau solia talega na isolisoli vakaitamera ki na veivuke raraba kei na so tale na veiqaravi e vuravura taucoko.
Se mani vakacava na veika taucoko e vakayacora vakadodonu tiko na noda Lotu, e vuqa na veiqaravi raraba vei ira na luve ni Kalou e vuravura era cakava tiko na tamata kei na isoqosoqo ka sega ni sema vakaivola ki na noda Lotu.
Na Lotu i Jisu Karisito e vakadeitaka na veiqaravi vei ira na vakaleqai tu, ka soli koya talega me cakacakavata kei ira na tani ena sasaga vata oqori.
Na ivakatakila ni gauna oqo e vakatavulica ni o Jisu Karisito e sa na noda iVakabula, “na rarama dina sa vakararamataka na tamata kecega sa lako mai ki vuravura.” [Vunau kei na Veiyalayalati 93:2]. O koya, era sa vakararamataki kina na luve ni Kalou taucoko me ra qaravi Koya kei ira vakai ira ena taucoko ni nodra kila kei na igu. …
E levu cake vei keda e dodonu meda kauwaitaka na vinaka era cakava na tani ka tokona ke tiko na gauna kei na iyaya me vakayacora vakakina.
Au vakadinadinataki Jisu Karisito, ka tuberi keda tiko na Nona rarama kei na Yalona meda vukei ira na dravudravua kei na rarawa tu e vuravura raraba.