Vorata na Vuravura ka Kunea na Vakacegu
Tikina lavetaki
Sa Liutaki Au o Koya, mai vei Yongsung Kim
Na cava na ibalebale ni vorata na vuravura? E kena ibalebale me vorata na veitemaki ni galeleta vakalevu na veika ni vuravura oqo mai na veika ni Kalou. E kena ibalebale na vakararavi vaka levu cake kina ivunau i Karisito mai na vakararavi ki na vuku ni tamata. E kena ibalebale mo tarovi iko mai na dua na ka ena vakaseva tani na Yalotabu.
Eda na vorata vakaevei na vuravura? E veigauna yadua o vaqara ka muria kina na veiuqeti ni Yalotabu, ena veigauna yadua o cakava kina edua na ka vinaka—se na veika e sega ni dau cakava na “tamata vakavuravura”, o sa veivorati vuravura tiko kina.
Sa na vakalougatataka vakacava na noda bula na veivorati ni vuravura? E matata na kena isau: Noda cakava edua na veiyalayalati ni veiwekani vata kei na Kalou, ena vauci keda vei Koya ena sala ena rawarawa kina na veika kece me baleta na bula. Yalovinaka ni kua ni nanumi au cala: Au sega ni tukuna tiko ni caka veiyalayalati e vakarawarawatakana bula. Ia mo namaka na veisaqasaqa, baleta na meca e sega ni vinakata mo na kunea na kaukauwa i Jisu Karisito. Ia nio vauci iko vua na iVakabula e kena ibalebale ni o na rawata Nona kaukauwa kei na kaukauwa ni Nona veivueti.
Au masuti kemuni ena gauna oqo—moni karona na nomuni ivakadinadina kei Jisu Karisito kei na Nona kosipeli. Cakacakataka. Susuga me na tubu kina. Vakania ena dina.
Nio vakatara na Kalou me gumatua ena nomu bula, au yalataka vei iko na sautu e levu cake, na lomadei, na reki, io, kei na vakacegu.