Tokanikai iaon Kangaangan te Aonaaba ao Karekean te Rau
Te Rongorongo ae Kaeweaki
He Leadeth Me, iroun Yongsung Kim
Tera ae nanonaki n te tokanikai man kangaangan te aonaaba? E nanonaki bwa te tokanikai man te kaririaki n mataiakinan riki bwain te aonaaba aei nakon riki ana bwai te Atua. E nanonaki bwa onimakinan riki ana reirei Kristo nakon aia kukune aomata. … E nanonaki bwa katokan karaoan bwaai ake ana kararoaa te Tamnei ae Raoiroi. …
Ni kanga, imwiina, ti tokanikai man kangaangan te aonaaba? … Ni katoa tai ngkana ko ukora ao n iriira ana kairiiri te Tamnei, ni katoa tai ae ko karaoa te bwai ae tamaroa—bwaai ake e aki kona ni karaoaki n “te aro n aomata”— ko a tokanikai ngkanne iaon te aonaaba. …
Ma e na kanga ngkanne, ara tokanikai iaon te aonaaba n kakabwaiaira? E rangi ni mataata te kaeka: Rinnakora inanon te berita imarenara ma te Atua e kabaeira ma Ngaia n te aro ae e na kabebetei bwaai ni kabane ni maiura. Taiaoaka ota raoi irou:I aki taku bwa karaoan ara berita a na kabebeteamaiura. Ni bon arona, kantaninga te kakaitara, ibukina bwa e aki tangiriko teuare buakaka bwa kona ataa mwaakan Iesu Kristo. Ma e nanonaki bwa kabaem ma te Tia Kamaiu e anganiko te kawai nakon Ana korakora ao mwaakana ni kamaiu. …
… I bubuti nakoimi ngkai—n tararuaa oin am kakoaua iroun Iesu Kristo ao Ana Euangkerio. Mwakuriia. Nabeia bwa e aonga n rikirake. Boutokaa koauana. …
… Ngkai ko kariaia te Atua n tautaekana maium, I berita nakoimi te rau ae korakora, te onimaki iroum, kimwareirei, ao eng te, rau.