“Te Rongorongo ae Kaeweaki—Tabekaki Nako Aon te Kaibangaki,” Ibukin Kakorakoraia Kairake, Nobembwa. 2022.
Tabekaki Nako Aon te Kaibangaki
Te Rongorongo ae Kaeweaki
Teuana bukina ae tiaki anaa tamnein te kaibangaki bwa te kanikinaa e moan kaotaki inanon rongorongo ake a koreaki inanon te bwaibwara. Ibukina bwa taurakin temanna iaon te kaibangaki bon teuana ana aanga n motikitaeka te Tautaeka n Rom ae rangi ni kammaraki, a mwaiti taan iriira Iesu ake aki kan taekina te waaki n tiriaomata iaon te kaibangaki. Maten Kristo e rangi ni moanibwai inanon aia onimaki, ma 300 te ririki imwiina ao a manga karaoi aanga aika boou bwa kanikinaean aia euangkerio. …
Bukina naba teuana ngkai tiaki kabongana tamnein te kaibangaki bon ibukin kakawakin teuana mai buakon kamiimi ake e karaoi Kristo inanon ana mition—Manga utina ae mimitong ao marakina ma matena n anganano ibukira. …
… N aba ao rooro nako, E a tia n tuangiira ni bane, “Ngkana iai te mwaane [ke te aine] ane e kan ri rimwiu ao ke e kaakea n taona nanona, ao ke e tabeka ana kaibangaki, ao e irirai” [Mataio 16:24].
E nanonaki ikai te kaibangaki are ti amoia iaora ma tiaki ake ti bwainii iaora. N riki bwa te tia iriira Iesu Kristo, kona riai n uouota te rawawata n tabetai—rawawatam ke tao temanna—ao n nakon te tabo are ko kona n anga nanom iai ao rinanon te maraki ae kantaningaaki. E aki kona te Kiritian ni koaua n iriira ana Mwatita ti inanon babaire ake e kariaia bwa e na karaoi. Bon tiaki. Ti Iriiria n taabo ni kabane, ngkana e riai, nakon taabo ni bo kakano ake uotaia te tang ao te rawawata, ao n tabetai ao ti kona n tei n akea raora.
… Ke ti Iria—n aki bwaka, n tatauraoi n tainako, n aki nanououa ke ni birinako, n rawa ngkana nakon tibwanga, tiaki ngkana a rawawata ara kaibangaki ao tiaki ngkana, n te tai, e na moanna n roo te kawai.