“Te Rongorongo ae Kaeweaki—Karina Korakoram, O Ngkoe ae Tion,” Ibukin Kakorakoraia Kairake, Nobembwa. 2022.

Karina Korakoram, O Ngkoe ae Tion

Te Rongorongo ae Kaeweaki

Unimwaane David A. Bednar

Man te Kooram n Abotoro ake Tengaun ma Uoman

I kakorakoraai n tataro bwa e na kaotaira te Tamnei ae Raoiroi n tatabemaniira nako ngkai ti tabe n iangoa kakawakin te taetae ni kaikonaki are te amwarake ni baka n te iein. …

Ao ngke ea rin te uea n te tabo n baka, ao e tarataraia aomata ao e noora temanna ana iruwa ae e tei n okoro bwa e aki oneia n aroia taan baka. E uotakirake te mwaane aio nako matana, ao e titiraki te uea: “Raou, ko aera ngke ko rin ikai n aki bwaina te kunnikai ni baka? Ao e aki kona te taetae” [Mataio 22:12]. …

… Rawan te mwaane n bwaina n oneaia taan ira te baka bon kaotan akean karinean te uea ma natina. Tiaki n ae akea oneana ae kona n bwaina nakon te baka; ma, e bon rineia bwa ena aki oneia raraoi. … Ana kaeka te uea e bon baiti man matoa: “Kabae baina ma waena, ao tewea nako nanon te ro are i ao; te tang ma te kangengei wi iai”[Mataio 22:13].

… Ngkai eaki oneia raraoi ao e kaota unraana are inanon n kaitara te uea ao ana kainibaire.

Te taetae ni kaikonaki aio e kainiin ma te kibu ae katekenano, “Ba a maiti aika weteaki, ma a karako aika rineaki” [Mataio 22:14].

… Akea rinanin araia aomata ae tatangiriia rikii te Atua are ti kaantaningaa korean arara iai n te tai teuana. E aki tiana mwaitiia “ake a rineaki” nakon te mwaiti ae uarereke. Irarikin anne, nanora ni kabane ara kaantaninga, ara karinerine nakon taian berita ma otenati n te euangkerio aika tabu, ara ongeaaba nakon tuua, ao, ae moan te kakawaki, ana nanoanga ni kabooira te tia Kamaiu ao ana akoi te Atua e na kaoti bwa ti warekaki naba ibuakoia ake e rineia te Atua. …

Ngkana ti ukoukora raoi karekean te bwaintituaraoi n te mata bwa tina noraaba ao te taninga bwa kona ongo, I berita bwa tina bon kakabwaiaaki ma te konabwai ao te moti raoi ibukin kakorakoraan ara berita ake a tomaira ma ara berita ake a tomaira ma ara Uea ae maiu. Ti kona naba n karekea korakoran aron te Uea ni maiura ao n tokin te tai ti kona n weteaki ao man rineaki bwa tina kaina ana amwarake ni baka te Uea.