“Te Rongorongo ae Kaeweaki—E Aoraoi Amona ao E Bebete Uotana,” Ibukin Kakorakoraia Kairake, Nobembwa. 2022.
E Aoraoi Amona ao E Bebete Uotana
Te Rongorongo ae Kaeweaki
A mwaiti aia maroro ara taan kairiri n te Ekaretia ake a tia n anga iaon te tangira ae kororaoi, katiteuanaaki, te tangira, akoi, kabwara bure, ao nanoanga. I kakoaua te tia Kamaiu bwa e kaoira bwa ti na maeka n kawai ae rietata riki, ao n tabu—Ana anga n tangira ike ni kabane a kona n namakina ni koaua bwa kaaina ao a kainanoaki.
Ti tuangaki bwa ti na tangiria aomata, ma tina aki motiki taekaia. Ti a katuka te amo ae rawawata anne; tiaki ara bwai n uouotia. N oneanimwiina, ti kona n anaa amon te Tia Kamaiu n tangira ao n nanoanga. …
… Naake E ringiia a namakina Ana tangiraao te tangira anne e kamaiuia ao n bitiia. Ana tangira e kairiia bwa a na tangiria ni bitii maiuia. Maiuakinan Ana kawai e uota te kimwareirei ao te rau, ao E kaoia tabeman nakon te aro n maiu aio ma te amarau, akoi, ao te tangira. …
Ngkai ti reiakiniira baike E tangiriira bwa tina karaoi—ti aki ibukin katabeara ke ibukin kakabwaia ake tina kona n karekei ma man te tangira ae itiaki Ibukina ao Tamara are i Karawa14Ana tangira e na bwaro rinanora ao karaoa are E tuangiira bwa e na koro bukina ao tiaki tii ngaia ma inanon taina ao e na aki kangaanga ao n bebete ao ni kimwareirei riki nakon are ti kantaningaia. …
… Ni kabane a kainanoia bwa ana riai ni bon riki bwa kaaina ao a kainanoaki iroun Kristo. Ana kaantaninga Tatan ae moan te korakora bwa e na bwenauaia natin te Atua, ao e tia n totokanikai, ma iai korakoran te katiteuanaaki. Ao arora ni kainnanoate nakonako n mwanokaia ake a rinanonkangangan te maiu ae mamate aio!