“Kokoaua nakon te Atua ao Ana Mwakuri—Kimototon Rongorongo,” Ibukin Kakorakoraia Kairake, Nobembwa. 2022.
Kokoaua nakon te Atua ao Ana Mwakuri
Uruguay
Teuana te katooto ae anai nano inanon koroboki aika tabu ae … e raraoma iai Heber C. Kimball iaon kakaean te kakoaua n ana mwakuri te Atua ao Iesu Kristo e taekinaki n ana taeka n reirei Aramwa nakon natina ake teniman—Ereman, Tiburon, ao Korianton. …
Ana moan raraoma Aramwa, n aron Heber C. Kimball, bwa n tatabemaniia iai aia koaua iaon Iesu Kristo ao riai ni kokoaua nakon te Atua ao Ana mwakuri.
… E raoiroi maiun Tiburon, n aron tarina ae Ereman. Te reirei ae I tangiria ni katuruturua bon Aramwa 38:12ae mwakorona e kangai, “Taraia bwa ko taotaona angin am namakin, bwa ko na kaonaki n te tangira.”
… Te rabwata e bon aki buakaka—e tamaroa ao ni bongana—ma tabeua namakin, ngkana aki kabonganaaki n aroia raoi ao ni baireki n ae raoiroi, e kona ni kamaenakoira ma te Atua ao Ana mwakuri ao te kakaitara e na korakora mwiina n ara koaua. …
Irarikin tauan bangin te un ao tauan aron namakin ake tabeua, ti kainanoia ni maiuakina te maiu ae e itiaki man tauan aron ara iango, taetae, ao mwakuri. …
Ibukina bwa Korianton e a tia ni irekereke ma te wenenibure ae aki riai, e bon riai iroun Aramwa n reireinna taekan te rairannano. …
Ngaia are, ana reirei n totoko Aramwa bon taotaonan angin te namakin, ma ana reirei ibukiia naake a tia n riaoa te tua, ana raira nanoia. …
Akea temanna ae kona n okira te Atua ni bon oin ana mwakuri aika tamaroa n ti ngaia; ti bane ni kainanoa kamaiuakira man ana anga karea te Tia Kamaiu. A bane ni bure aomata nako, ao bon tii rinanon Ana Mwakuri ni Kamaiu Iesu Kristo are ti kona iai ni karekea ana nanoanga ao ni maeka ma te Atua.