“Te Rongorogo ae Kaeweaki—Te Kainibaire ibukin Kaotioti nakon Temanna,” Ibukin Kakorakoraia Kairake, Nobembwa. 2022.
Te Kainibaire ibukin Kaotioti nakon Temanna
Te Rongorongo ae Kaeweaki
Ti rian n ota n te kainibaire i nanon mwakurin te Tamnei ae Raoiroi ni katauraoi kaotioti aika a onoti nakon temanna. …
Booki aika a tabu a karaoa te moan kanoa n te kainibaire aei ibukin te kaotioti ae onoti nakon temanna. Maiuakinan ana taeka Iesu, n aron aika a kuneaki n booki aika a tabu, e karekea te kaotioti nakon temanna. …
Te kauoua ni kanoa n te kainibaire bwa ti na karekei oin ara kaotioti man ti oin ara raraoma, ma tiaki ibukiia tabeman. …
… Reirei, tuua, ao kaotioti ibukin te Ekaretia a bon kaineti nakoia burabeti aika a maiu, are a karekei mairoun Iesu Kristo. …
… Bon tii te burabeti ae kona ni karekea te kaotioti ibukin te Ekaretia. …
Ana kaotiotite aomata e katauaki ibukin te aomata anne. Ko kona ni karekea te kaotioti, n te katooto, ko na maeka iaa, tera nakoam ae ko na iria, ke antai ae ko na mareia. …
Te kateniua ni kanoa n te kainibaaire bwa te kaotioti nakon temanna e na inanoi ma ana tua te Atua ao berita are ti a tia ni karaoi ma Ngaia. …
Ngkana ti bubuti ibukin te kaotioti n te bwai ae e a bon tia n angaa te Atua te kaetieti iaona, ti kauki nanora nakon aki ataakin raoi ara namakin ao ongo are ti kan ongo. …
Te kaaua ni kainibaire bon kinaakin te bwai ae e a kaman tia te Atua ni kaotia nakoim, ao n tatauraoi nakon kaotioti riki Mairouna. …
… I ataia bwa te Tamnei ae Raoiroi e kona ao e na kaotii bwaai nakoim ae ko riai ni karaoia.