“Te Rongorongo ae Kaeweaki—N Reitinako n Riki Bwa Ana Reirei,” Ibukin Kakorakoraia Kairake, Nobembwa 2022.
N Reitinako n Riki Bwa Ana Reirei
Te Rongorongo ae Kaeweaki
Baika ti rinanona n aia maungatabu Ibukin Kakorakoraia Kairake, kaembing, bootaki n toa, ao mition a kona ni kakorakora ara koaua, ni uootira rinanon rikirakera n tamnei ao kunean te maiu n tamnei nakon taabo aika a rau. Ma tera te bwai ae ti riai ni karaoia n tiku ikekei ao n teimatoa n “waaki nako man teimatoa i nanon Kristo” (2 Nibwaai 31:20) nakon ae a na mamaara ara koaua? Ti na teimatoa ni karaoi baike iai mwiia ni kakorakoraa te maiu n tamnei are ti ataia n te moantai, n aron te tataro n tainako, ni kabanei nanora iaon booki aika tabu, ao ni beku ma nanora ni koaua. …
N te Maungatabu Ibukin FSY Ibukin Kakorakoraia Kairake, te mwaiti ae tebubua tengaa tabun ara kairake a karekea atakin te Tia Kamaiu man kabonganan te kainibaire ae bebete n te bane n roko ike uoman ke e mwaiti riki a bootaki n Arana (taraa Mataio 18:20), ni kamatebwaia te euangkerio ao booki aika tabu, ni bootaki n anene, ni bootaki n tataro, ao ni kunean te rau inanon Kristo. Aio te kaetieti ae moan te korakora ibukin kammwakuran n te maiu n tamnei. …
Kairake mai Tion aika a nanomatoa a boborau rinanon taai aika a kamiimi. Kunean te kimwareirei n te aonaaba aei e taetae ni burabetiia te mangaongao n aki riki bwa mwakoron te aonaaba anne, ma mabubun te nonori nakon te bwai ae tabu, bon mwiokoaia ae onoti. …
I ataia bwa rinanon onimakinan te Uea Iesu Kristo ao kawain Ana berita, ti kona ni kunea te onimaki n te maiu n tamnei ao te rau ngkai ti ribanai katei aika a tabu ao mwakuri ae taneiai ni karaoaki aika raoiroi are a kateimatoa ni kakorakora aia onimaki aomata. Ti bia ngaira n tatabemaniira n rikirake ni kaniira ma bwaai ake a na kakorakora ara onimaki.