Te Rongorongo ae Kaeweaki—Nooran Riki Iesu n Maiura,” Ibukin Kakorakoraia Kairake, Nobembwa 2022.
Nooran Riki Iesu n Maiura
Te Rongorongo ae Kaeweaki
Bwa ti na buokaki ni teimatoa n rokoraoi ao ni waaki n te kawai ae eti, e kaoira te Tia Kamaiu bwa ti na tirobaea maiura irouna bwa ti aonga n nora ae bati Irouna ni maiura. …
Ngke I moan riki bwa te tia iriira te eungakerio, I kaitiboo ma aika a mwaiti ake a tarataraa ao n noori ma te mimii bitaki n aroarou, au mwakuri, ao rinerine imwiina ngke I kaina te Ekaretia. …
… Rinanon mwakuri aika a kororaoi n taraa nakon ao i bukin Iesu Kristo n au iango ao mwakuri ni kabane, a kaotaaki matau, ao ni waekoa otau iai n kinaa bwa Iesu Kristo e weteai bwa “N na Nakoina.”…
I reiakinna n te tai arei, n aron ae I ataia ngkai, bwa ara tia Kamaiu, Iesu Kristo, e kairii waera nakon auti ni bootaki ni katoa wiiki n kana Ana toa, nakon ana auti te Uea ni karaoi berita aika a tabu ma Ngaia, nakon koroboki aika a tabu ao aia reirei burabeti n reiakina Ana taeka. E kairi marooro ake a nako mai wiira n kakoaua i Bukina, baira n buokia ao n beku n Arona ngke e ibuobuoki ao ni beku, matara n noora te aonaaba ao n noorira ni kabane n aron are e Karaoia—“n bon aroia, ao … n aron are a na riki nakoia.” [Iakoba 4:13]. Ao ngkai ti kariaia bwa E na kairiira ni bwaai ni kabane, ti karekea te kakoaua bwa “bwaai ni kabane a kaotia bwa iai te Atua,” [Aramwa 30: 44], ibukina bwa ike ti Ukoria iai ti na Kunea ni katoa te bong ae koraki.