Te Rongorongo ae Kaeweaki—Ira Iesu Kristo ma Mwanekan te Onimaki,” Ibukin Kakorakoraia Te Roronrikirake, Nobembwa. 2022.
Iira Iesu Kristo ma Mwanekan te Onimaki
Te Rongorongo ae Kaeweaki
Tariu ao mwaaneu, I kakoauaa bwa ngkai ti iira Iesu Kristo ma te onimaki ni mwanekan waera, bon iai te kaantaninga. Iai te kaantaninga iroun te Uea Iesu Kristo. Iai te kaantaninga ibukiia aomata ni bane n te maiu aio. Iai te kaantaninga n tokanikai iaon ara kaairua, rawawatara, ao korakaira, ao kataakira ma ara kanganga. Iai te kaantaninga n te rairannano ao reken bwaran am bure ao kabwaraan aia bure tabemwaang. I kakoauaa bwa iai te kaantaninga ao te rau inanon Kristo. E kona n tabekiira n te bong aei inanon taai ni kanganga. E karaoia ibukiia bwaeoniia n rimoa, ao E na karaoia ngkai ibukiira n tatabemaniira. …
Ngkana I iangoiia bwaeoniia ake a katauraoa te kawai ibukiia tabemwaang, I moan iangoa te Burabeti Iotebwa Timiti. …
Ara mitinare n te bong aei bon bwaeoniia n boong aikai ibukina bwa a tibwauaa te rongorongo ae mimitong [ni kaokakan bwai] ma aomata ni kabutaa te aonnaba, ao ni kauka te kawai ibukiia natin Tamara are i Karawa bwa ana Kinaa ao Natina, Iesu Kristo. …
Beretitenti Nelson e riki bwa te bwaeoniia n te Ekaretia. …
E reireiniia bwa tina kanga n riki bwaati n tei iaon waera n bwain te tamnei. …
Ara Tia Kamaiu, Iesu Kristo, bon te bwaeoniia ni koaua n katauraoan te kawai. Ni koauana, Ngaia bon “te kawai” [Ioane 14:6] ibukin kakoraoan nanon te babaire ni kamaiu bwa ti aonga n rairannano ao, rinanon ara onimakin Irouna, tina okira Tamara are i Karawa. …
Ti bia teimatoa n iira mwanekan Iesu Kristo ao, ma te onimaki n kawaira, ni kabanea ara iango Irouna, ni kateimatoaira bwa ti na teimatoa ni kawain te berita.