“Te Rongorongo ae Kaeweaki—Ana Nanoanga te Tia Kamaiu ae Akea Tokina,” Ibukin Kakorakoraia Kairake, Nobembwa. 2022.
Buokaia Kainnano ao Aika a Rawawata
Te Rongorongo ae Kaeweaki
Angiin waaki n ibuobuoki ibukin te mweraoi nakoia aomata a reiakinaki ao ni karaoaki inanon ana Ekaretia Iesu Kristo ibukiia Aika Itiaki ni Boong aika Kaitira ao iroura ngaira aika membwa. Teuana te katooto, ti karaoa ara aki mamatam ni moan te namwakaina koraki ao n anga te mwaiti are ti na kabanea ibukin boon kanara n te tai anne ibukiia raora ake a kainnano. Te Ekaretia e bon kakaraoi naba anganano aika bubura ibukin mwakuri n ibuobuoki ao aekaki riki ni mwakuri tabeua ni kabutaa te aonaaba.
Ma e ngae ngke e teimatoa ni kakaraoa aei te Ekaretia, angiin mwakuri n ibuobuoki ake a karaoaki nakoia natin te Atua ni kabutaa te aonaaba a karaoaki irouia aomata ma bootaki aika akea irekerekeia ma ara Ekaretia. …
E kabaeaki Ana Ekaretia Iesu Kristo bwa e na buokiia te koraki ake a kainnanoa te ibuobuoki, ao e kabaeaki naba bwa e na kateimatoa ana reitaki ma ake tabeman ibukin karaoan aei. …
Ti reireinaki inanon kaotioti ni boong aikai bwa ara Tia Kamaiu, Iesu Kristo bon “te ota ni koaua are e kaotaia aomata ake a roko n te aonaaba” [Reirei ao Berita aika Tabu 93:2]. Man aei, ao a kaotaaki natin te Atua ni kabane bwa a na beku Irouna ao nakoira n tatabemaniira nako inanon wanawanaia ma aia konabwai ni kabane. …
… Angina mai iroura a riai ni kinai naba mwakuri aika raraoi ake a karaoaki irouia tabeman ao ni boutokai ngkana iai ara tai ao nanora nako iai. …
I kakoaua iroun Iesu Kristo, are otana ao Tamneina e kairiia ni kabane natin te Atua ni buokiia kainnano ao aika a rawawata ni kabuta te aonaaba.