Rongorongo ae Kaeweaki—esu Kristo Bon Korakoraia te Roronrikirake,” Ibukin Kakorakoraia Kairake, Nobembwa. 2022.
Te Tetere ni Moaningabongin te Kaonobong
Iesu Kristo Bon Korakoraia te Roronrikirake
Te Rongorongo ae Kaeweaki
Ngkana am ririki e mena i marenan 11 ao 18 Iai au rongorongo ibukim riki mairoun am Tia Kamaiu, Iesu Kristo.
Ana Rongorongo te Tia Kamaiu Nakoim
Raraou aika kaIrake aika kam tangiraki, ngke arona bwa e mena ikai ngkai te Tia Kamaiu, tera ae E na taekinna nakoim?
I kakoaua bwa E na moanna man bunran Ana tangira ae korakora i bukim. …
Ao riki, i bukina bwa ti bane ni mamaara ao n aki kororaoi, ana bon roko n am iango raraoma tabeua. Ko na bae n uringii am kaairua are ko a tia ni karaoi, taai ake ko iraanako te kariiri, bwaai ake ko iangoi bwa ko riai n aki karaoi ma ko a tia ni karaoi—ke ni iangoia bwa ko riai ngkoa ni katamaroa karaoaia. …
I kakoaua bwa te Tia Kamaiu Iesu Kristo e na bon kan nooriko, n namakina, ao n ataia bwa Ngaia bon korakoram. Bwa man Ana ibuobuoki, akea tian te bwai ae ko kan kakoroa nanona. …
E na bae ni katanoataa Te Tia Kamaiu, n akea riki taekana, bwa bon natin te Atua ae Mwaaka ngke te aine ke te mwaane. Tamam are i Karawa bon te kabanea ni mimitong n aomata n te aonaaba ae bwanin, ae onrake n te tangira, kimwareirei, itiaki, tabu, ota, nanoanga, ao te koaua. Ao n te bong teuana E tangiriko bwa ko bwaibwai n ana bwai nako. …
Ni karaoan aio bwa e na koro bukina, E kanakomaia Iesu Kristo bwa am Tia Kamaiu. …
Anne bon tokin kawaim. Anne i bukim n taai aika a na roko. Anne bon am rinerine!
Koaua ao Rinerine
I nanon ana babaire te Atua i bukin kukureim bon inaomatam n rinerine. …
Ngkana iai am rinerine aika a kakaawaki ae ko na karaoia, Iesu Kristo ma a Ana euangkerio ae kaokaki bon rinerine aika taian kabanea n raoiroi. Ngkana iai am titiraki, Iesu Kristo ma Ana euangkerio ae kaokaki bon kaeka aika kabanea n tamaroa. Ngkana ko namakina te mamaara, Iesu Kristo bon korakoram. …
Ibukin Kakorakoraia Kairake
Bwa buokam ni kunea te Kawai ao ni buokiko bwa ko na karaoa ana reirei Kristo bwa te bwai ni kairiiri ni maium, Ana Ekaretia Iesu Kristo ibukiia Aika Itiaki ni Boong aika Kaitira e a tia ni katauraoa te bwai n ibuobuoki ae boou, ao manga rinanoaki Ibukin Kakorakoraia Kairake. …
Ni kamataata raoi, te kabanea n tamaroa ni kairiiri ae ko kona ni karekea ibukin karaoan rinerine bon Iesu Kristo. Iesu Kristo bon kakorakoraia kairake.
Ma ngaia are te kaantaninga Ibukin Kakorakoraia Kairake. bon kairam Nakoina. …
E kakawaki naba nakoim bwa ko na ataia bwa Ibukin Kakorakoraia Kairake tera ae aki anga. E aki karaoi babaire i bukim. E aki karekea nakoim te “eng” ke “tiaki” i bukin taian rinerine ake ko na kona ni kaitarai. Ibukin Kakorakoraia Kairake e boboto i aon kamatoaan am rinerine. E boboto i aon aroaro, moan tua, ao reirei nakon aroaro ae kakaokoro. …
E kairua bwa ana iai tuua? E bon aki. Ti kainnanoi ni katoa bong. Ma e bon aki eti taraan ti te tua nakon ae ko aki katurua am iaongo iaon te Tia Kamaiu. …
Te Aroaro ae Tamaroa Riki
E rangi n tamaroa anua ma aroaro ae kateia Iesu Kristo ibukiia Taan ririmwiina. Ao te kakao ni ukora mwaakan Nanona ao maiuakinan Ana koaua bon te kabanea n rietata ni aroaro ae riai!
Rinerine n rabwata ao n tamnei aika a kakawaki a riai n aki nako man ana rinerine te aomata, ke are e angaraoi ke ni kinaaki. Te Uea e aki kangai, “Karaoa are ko bon tangiria.”
E kaangai, “Ke e Tautaeka te Atua.”
E kaangai, “Nakomai, Iriirai.”
E kaangai, “Maeka n ae tabu riki, rietata riki, kawai aika a tau riki.”
E kaangai, “Kaawakinii au tua.”
Iesu Kristo bon te katooto nakoira ae kororaoi, ao ti kataia ma korakorara ni kabane n tamneira bwa ti na Iriiria.
Raoraou aika kam tangiraki, N na kaokia riki, ngke arona bwa e tei ikai n te bong aei te Tia Kamaiu, E na bunra nakoim Ana tangira ae akea tokina, Ana onimaki iroum ae bwanin. E na tuangko bwa ko kona ni karaoa aio. Ko kona ni karika maium ae kakimwareirei, ao ni kakukurei ibukina bwa Iesu Kristo bon korakoram. Ko kona ni kunea te nano n onimaki, te rau, te mano, te kakukurei, ao n ataia bwa ngkoe ibukin ngkai ao akea tokina, ibukina ko na kunea ni kabane iroun Iesu Kristo, ao n Ana Euangkerio, n Ana Ekaretia.