“Te Rongorongo ae KaeweakiTe Tembora ao Aan Maiun Tamneim,” Ibukin Kakorakoraia Kairake, Nobembwa. 2022.
Karikirakean ao Tataekinan Am Koaua
Te Rongorongo ae Kaeweaki
I Ataia ao ni Mataata Raoi bwa Tera te Koaua?
Am koaua bon am bwai ae moan te kakaawaki, ae aki toki n airiiri ma namakinan te tamnei. Namakin aikai a aki toki n rooroko n ae rangi n rau ao a kabwarabwaraaki bwa, te “bwana ae maraara n rau” [1 Uea 19:12]. Bon am koaua ke am atatai n te koaua ae e reke bwa te kakoaua n tamnei rinanon ana wirikiriki te Tamnei ae Raoiroi. …
I Ataa Aron Kaotan au Koaua?
Ko kaota am koaua ngkana ko tibwaa am namakin n tamnei ma tabeman. Ngkai kaain te Ekaretia, Iai ami taai ni kaoti koauai n tataekinna a roko n tain bootaki n te Taromauri ke n ae aki katauraoaki, n te marooro temanna nakon temanna ma am utu, raraom, ao aomata tabeman.
Te kawai riki teuana n tibwa am koaua bon rinanon anuam aika raraoi. …
Membwa n te Ekaretia a tei bwa taan kakoaua iroun te Atua n taai nako, ao ni bwaai nako, ao n taabo nako. Taini karaoan aei n te aonaaba ae e a onrake iai bwaai n rabakau ni kabonganai bon oin ara taeka aika kairaki iroun te tamnei ke n tibwai taeka aika a kaunganano ae mai irouia tabeman bon akea tiaia. …
Tera Bwaai aika a Totoko n Tibwaan au Koaua?
Totoko n tibwaan am koaua tao e na airi ma te aki koaua raoi iaon te bwai ae ko na taekinna. …
Te totoko teuana … bon te maaku. …
… Am koaua … e na kairiko nakon kakeaan namakin aikai. …
N na Kanga ni Kawakina au Koaua?
I kakoaua bwa te koaua e bwebwerake inanora, ma, n te aro bwa ti na kawakinna ao ni karikirakea, e reirei Aramwa bwa ti riai ni karikirakea raoi ara koaua n tararuaia raoi [see Aramwa 32:37]. …
Tariu ao mwaneu aika tangiraki, I berita bwa ngkana ko bon mataata raoi bwa tera te koaua, ao ngkai ko tibwaia, ko na tokanikai iaon totoko aika aki ataaki ao te maaku, n anganiko te konaa ni karikirakea ao ni kawakina am bwai ae rangi ni kakawaki, am koaua.