“Te Rongorongo ae Kaeweaki—Nanom ni Kabane,” Ibukin Kakorakoraia Kairake, Nobembwa. 2022.
Nanom ni Kabane
Te Rongorongo ae Kaeweaki
Ngkai ngaira ana reirei Iesu Kristo, ti kakoaua ao ti kona n rikirake ni koaua aika a kakawaki aika teniua.
Te Moan, Ti Kona ni Kawakina Ara Berita Aika a Tabu, E Ngae Ngkana E Aki Beebete
Ngkana am onimaki, am utu, ke am bong aika imwaim a kataki—ngkana ko miakinna bwa bukin tera te maiu ae e rangi ni kangaanga e ngae ngkana ko kabanea am kona ni maiuakina te euangkerio—uringnga bwa e tuangira te Uea bwa ti na kantaningai kangaanga. Kangaanga bon mwakoron te babaire ao tiaki nanona bwa ko a kitanaki; bon mwakorona are e nanonaki bwa bon ngke Natina. …
Te maeka ni mwengaraoi e aki uota te korakora. Te korakora ae ti kainanoia ni kaitaraa kabuebuen ara bong bon korakoran te Uea ao Korakorana e roko rinanon ara berita aika a tabu ma Ngaia. …
Te Kauoua, Ti Kona Ni Mwakuri inanon te Onimaki
Ngkai ngaira ana reirei Iesu Kristo, ti ataia bwa te onimaki Irouna e kainanoa te mwakuri—riki n taai aika a kangaanga. …
Te kateniua, Ti Kona ni Kaoni Nanora ao ni Kimwareirei n Ara Botaki n Tataro
… N na bon riai n aki manga iangoia bwa te kataaki n te bong aei e na karika te nanououa n ana tangira te Atua i bukiu ke n karika te nanououa n Onimakinana. …
Ao ni karokoa te bong are e kamaoaki iai maneka ni katoabong n te maiu aei, N na kakantaninga iroun te Uea ao n Onimakinna—Ana tai, Wanawanana, Ana babaire.
N na mwakuri korakora ma ngkami, I tangiria n tei ma Ngaia n akea tokina. Nanom ni Kabane Ataakina bwa ngkana ti tangira Iesu Kristo ma nanora ni kabane, E anganira bwaai ni kabane n karaoan anne.