“Te Rongorongo ae Kaeweaki—Te bong aei,” Ibukin Kakorakoraia Kairake, Nobembwa 2022.
Te Bong Aio
Te Rongorongo ae Kaeweaki
I taua inanon baiu kaobiin ana Boki Moomon. Aio au boki ae e a mane man 1970, ao e rang kakaawaki irou. Man taraakina e a mane imwiin kabongaakina, ma akea riki te boki ae kakaawaki inanon maiu ao n au koaua nakon riki aei. Ni warekakina I karekea te kakoaua iroun te Tamnei bwa Iesu Kristo bon natin te Atua,5ao Ngaia au Tia Kamaiu,6bwa koroboki aikai bon ana taeka te Atua,7ao e a tia ni kaokaki te euangkerio. …
“Te bong aio,” temanna ana mitinare ae te kabanea ni korakora n Ana Boki Moomon bon Beretitenti Russell M. Nelson. …
… E a tia n anga katotongan ana Boki Moomon nakoia bubua n aomata, n tainako ni kaota ana kakoaua iroun Iesu Kristo. …
Ara burabeti ae maiu e karaoa tibwangana ni kaona te aonaaba n ana Boki Moomon. Ma e aki kona ni kaonrakea te aonaaba n ana Boki Moomon n ti ngaia. Ti riai n ira are e karaoia. …
… I kaoko, n te bong aio, bwa ko na angan raoraom ao am utu, raom ni mwakuri, am kouti n te butibooro, ke te tia ribana n am mwakete te boki aei. A kainnanoi ana taeka te Uea ake a reke n te boki aei. …
I kakoaua bwa n teina mai karawa ana Boki Moomon e katauraoaki i Amerika n taai akekei bwa e na roko n taetaekina ana taeka te Atua, ni uootia aomata nakon Iesu Kristo ao Ana euangkerio are kaokaki n “te bong aio.”