“Rongorongo ae Kaeweaki—Kaaniia Riki te Tia Kamaiu,” Ibukin Kakorakoraia Kairake, Nobembwa. 2022.
Kaaniia Riki te Tia Kamaiu
Te Rongorongo ae Kaeweaki
Ti ataia bwa ngkai e rikirake te buakaka iaon te aba, maiura n tamnei, ao maiun tamneia naake ti tangiriia, e na kainnanoa kamwarakeana ae tabwanin riki, kamwaitaki riki, ao ni kakorakoraaki n ara onimaki iroun Iesu Kristo. …
Ngkai ti bon ataia ae, reken ara koaua iroun Iesu Kristo ao rikira bwa taan iriiria ni koaua e bon mwaiti riki tain baireana—e mwaiti riki nakon karaoana teuana te tai. Bon waakin te mwakuri ae tabu n reitinako are e rikirake ao n rakanako n tai aika a kakaokoro inanon maiura, n reitinako ni karokoa ti katorobubua i waena.
Ngkai a rikirake uita ibuakon titania n te aonaaba, tina kanga ni kananoa ao ni kakorakora ara motinnano nakon te Tia Kamaiu ni boong aika imwaira?
Aikai iango aika teniua:
Te moan, ti kona ni kabanei nanora ae bwanin ni maiun Iesu, Ana reirei, Ana Kaintokanuea, Mwaakana, ao Ana karea ni kamaiu. …
Imwiina, ngkai tia kina riki ao n tangira te Tia Kamaiu, ti na tangiria riki ni berita Nakoina ara motinnano ao ara onimaki. Ti karaoi berita aika tabu ma Ngaia. …
Karaoan ao kawakinan berita e karekea ana tangira te Tia Kamaiu bwa e na tiku n teimatoa inanora. …
Te kabane, au kateniua n iango: n te mwananga ae tabu aei, tina kakaawakina, kamanoa, tei ibukina, ao n tararuaa ana bwaintangira ae te Tamnei ae Raoiroi. …
… Ngkai ko kariaia am tangira ibukin te Te Kamaiu ao Ana tangira bwa e na bita nanom, I berita nakoim te mwengaraoi ae raka, te rau ao te kimwareirei ni kaitiboom ma kakaewenako inanon maium.