“Ikonektar,” Alang sa Kalig-on sa Kabatan-onan, Peb. 2023.
Ikonektar
Cindy V.
18, Uruguay
Litrato pinaagi ni Daniel Martinez
Pipila ka tuig ang milabay, ang mga misyonaryo nagpahigayon og kalihokan ug mihatag sa tanang kabatan-onan og hagit nga dili mogamit sa ilang mga selpon ug social media sulod sa pipila ka adlaw aron mas makatutok sila sa ebanghelyo ug makapaambit niini ngadto sa uban. Gidawat nako ang hagit ug mipaambit sa ebanghelyo ngadto sa usa ka higala ug gisultihan sila mahitungod sa hagit sa misyonaryo. Kadto nga higala nainteresado ug nagsugod sa pagpakigkita sa mga misyonaryo. Nabunyagan siya pipila ka bulan human niadto.
Ganahan kaayo ko sa indexing ug sa family history. Usahay makig-uban ko sa akong mga ig-agaw ug sa ubang sakop sa pamilya sa pagtrabaho sa family history. Ganahan kong motabang sa uban nga mohimo sa kaugalingon nilang family history. Dayon gidala namo ang mga ngalan ngadto sa templo.
Sa umaabot, mohimo ako og mga pakigsaad sa templo kon madawat na nako ang akong endowment ug masilyo. Akong giandam ang akong kaugalingon sa espirituwal nga paagi sa paghimo niana nga mga pakigsaad ug naningkamot gayod nga mohimo sa unsay husto. Importante kaayo nga maanaa ang Espiritu kauban nako aron mapanalipdan ko sa tintasyon.