“Kinsa ang Unang mga Apostoles ni Jesukristo?,” Alang sa Kalig-on sa Kabatan-onan, Peb. 2023.
Dali, Sunod Kanako
Mateo; Marcos; Lucas; Juan
Kinsa ang Unang mga Apostoles ni Jesukristo?
Susiha pa og dugang ang mahitungod sa ordinaryo nga mga lalaki nga gitawag sa Manluluwas sa pagbuhat sa dili ordinaryo nga mga butang.
Mga paghulagway pinaagi ni Carolyn Vibbert
Pedro
Nagpuyo sa Capernaum uban sa iyang asawa ug iyang inahan.
Anak nga lalaki ni Jonas; igsoong lalaki ni Andres.
Nailhan nga Simon; dayon si Jesus mihatag kaniya og ngalan nga Pedro o Cefas, nagpasabot nga “bato.”
Mao ang labaw nga Apostol ug nakadawat sa mga yawe sa gingharian sa Dios dinhi sa yuta gikan sa Ginoo.
Andres
Tingali nagpuyo sa Capernaum uban ni Pedro.
Anak nga lalaki ni Jonas; igsoong lalaki ni Simon Pedro, tingali mas manghod pa.
Mananagat uban ni Pedro.
Disipulo ni Juan Bautista.
Midala ni Pedro aron makigkita ni Jesus.
Usa sa labing unang gitawag nga mahimong disipulo.
Santiago
Siya ug si Juan uban sa ilang amahan didto sa daplin sa dagat sa dihang gitawag sila ni Jesus.
Anak nga lalaki ni Sebedeo; igsoong lalaki ni Juan.
Gihatagan og ngalan nga Boanerges, o “mga anak sa dalugdog,” uban ni Juan.
Ang iyang inahan mihangyo ni Jesus sa paghatag sa iyang mga anak og mga lingkoranan sa Iyang gingharian.
Usa sa tulo nga anaa didto atol sa pagbanhaw sa anak nga babaye ni Jairo, sa Bukid sa Transpigurasyon, ug sa Getsemani.
Juan
Siya ug ang iyang igsoon lalaki nga gitawag og Boanerges, o “mga anak sa dalugdog.”
Anak nga lalaki ni Sebedeo; igsoong lalaki ni Santiago.
Sa tradisyon gitawag og “ang Hinigugma”; mitawag sa iyang kaugalingon nga “ang disipulo nga gihigugma ni Jesus.”
Usa ka mananagat sa batan-on pa.
Miatiman sa inahan sa Manluluwas, nga si Maria, human sa kamatayon ni Jesus.
Usa sa tulo nga anaa didto atol sa pagbanhaw sa anak nga babaye ni Jairo, sa Bukid sa Transpigurasyon, ug sa Getsemani.
Felipe
Sa Betsaida.
Mipaila ni Natanael ngadto ni Jesus.
Natanael
Higala ni Felipe.
Nahisakop sa Cana sa Galilea.
Gituohan nga ang mga ngalan nga Bartolome ug Natanael nagpasabot sa usa ka tawo.
Tomas
Gitawag usab nga Didymus.
Ang Didymus ug Tomas nagpasabot nga “kaluha.”
Gitawag nga “maduha-duhaon nga Tomas” tungod kay dili siya motuo sa Pagkabanhaw ni Jesus gawas kon siya makakita Kaniya.
Mateo
Gitawag usab nga Levi.
Anak nga lalaki ni Alfeo.
Mangolekta siya og mga buhis alang sa Roma gikan sa iyang isigka Judeo didto sa Capernaum, nga maoy nakapahimo niya nga dili sikat sa mga Judeo.
Human sa iyang tawag, naghimo siya og kasaulogan uban sa mga publikano (maniningil og mga buhis) ug sa uban, nga gitambongan ni Jesus.
Tagsulat sa Ebanghelyo ni Mateo.
Santiago
Morag igsoong lalaki ni Mateo.
Anak nga lalaki ni Alfeo.
Judas
Usahay gitawag og Judas Patriyota o Judas Tadeo.
Simon
Gitawag usab og Simon nga taga-Canaan o Simon ang Patriyota, o Selotes.
Ang Selotes mao ang mga Judeo nga adunay dakong pagtahod sa balaod. Sila misalikway sa Romano o sa bisan unsa nga langyaw nga awtoridad ug nagtinguha sa pagpapahawa sa Gingharian sa Roma gikan sa Balaan nga Yuta.
Siya tingali naapil niini nga grupo o adunay dakong pagtahod lamang gayod alang ni Jesukristo ug sa Iyang ebanghelyo.
Judas
Tingali gikan sa Keriot sa habagatang bahin sa Judea ug sa ingon ang bugtong Apostol nga dili taga-Galilea.
Gitudlo nga tresurero sa mga disipulo.
Mibudhi sa Manluluwas tungod sa 30 ka piraso sa pilak nga salapi.