“Kon ang Pagtrabaho sa mga Tumong Magkalisod,” Alang sa Kalig-on sa Kabatan-onan, Peb. 2023.
Kon ang Pagtrabaho sa mga Tumong Magkalisod
Kon kamo naghimo og mga tumong ug dayon wala ninyo kini makab-ot, kini nga artikulo alang kaninyo.
Nakasulay ba kamo sa paghimo og tumong sa pagsugod sa bag-ong tuig ug mibati nga nadasig pag-ayo sa paghimo niini … sulod sa usa ka adlaw? Ug dayon ang Enero 3 miabot ug wala na. Gibiyaan na ninyo ang inyong tumong. Mas maayo pa maghulat na lang sa sunod tuig ug magsugod pag-usab. [Gamayng pahinumdom: Ayaw kabalaka. Kitang tanan nakaagi na niana.] Ania ang pipila ka sugyot aron sa pagtabang kaninyo nga makapadayon sa inyong mga tumong!
Giya sa Paghimo og Tumong
-
Mga paghulagway pinaagi ni Bárbara Tamilin
Pag-ampo kon unsay pokusan. Ang Langitnong Amahan nasayod nga kinahanglan kamo nga molambo. Dangop ngadto Kaniya! Hunahunaa unsa ang Iyang gusto alang kaninyo, ug bantayi ang mga hunahuna o mga impresyon nga moabot sa inyong hunahuna.
-
Pagpili og mga tumong nga kamo interesado. Trabahoa ang butang nga ganahan na ninyo, o sulayi ang bag-ong butang. Bisan asa niini, pagpili og butang nga ingon og makapahinam!
-
Paghimo og piho nga mga tumong.
-
Dili kaayo dakong tumong: Maningkamot nga mas maayo sa basketball.
-
Nindot nga tumong: Magpraktis og 1,000 ka libre nga pag-itsa sa bola hangtod sa kataposan sa bulan.
-
-
Paghimo og plano.
-
Ehemplo: Moitsa ko og libre nga mga pag-itsa sa bola sulod sa 30 ka minuto sa mga adlaw sa Lunes, Miyerkules, ug Biyernes human sa pag-eskwela. [Gamayng pahinumdom: Ang paggahin og oras mas maayo pa kay sa “kon duna koy panahon,” tungod kay sa tinuod lang—kamo dili makagahin og panahon gawas kon kamo mohimo og panahon.]
-
-
Pagpalambo sa espiritwal, sosyal, pisikal, ug sa intelektwal nga paagi. Susiha ang mga ideya sa tumong diha sa giya nga basahon sa kabatan-onan o sa childrenandyouth.ChurchofJesusChrist.org.
-
Sulbara ang inyong ngano. [Gamayng pahinumdom: Ang “Tungod kay gisugo ko sa akong mama” basin dili kaayo makapadasig ninyo.] Nganong gusto ninyo nga motrabaho niini nga tumong? Makatabang ba kini ninyo nga mas mahisama sa Manluluwas? Makatabang ba kini ninyo nga mahimong tawo nga gusto ninyo nga mamahimo?
Bise Ba Kaayo Mo?
Tingali gibuhat na ninyo kini apan kinahanglan lang nga magmakanunayon: Kamo naghimo na og daghang mga butang matag adlaw. Karon, isulat ang usa niadto nga mga butang ug unsaon ninyo sa pagpalambo. Karon opisyal na kini nga tumong!
Hunahuna og gamay: Ang pagtrabaho sa mga tumong dili kinahanglan nga magkinahanglan og daghang panahon. Tingali pagsugod pinaagi sa paggahin og 5 ka minuto sa usa ka adlaw sa pagtrabaho og usa ka butang. [Gamayng pahinumdom: Saligi ako niini. May kalagmitan nga mas mahimo ninyo kini.]
Ang Inyo bang mga Tumong Lisod Kaayo?
Pagmapailobon sa inyong kaugalingon. Ang pagsulay ug pagkapakyas ug pagsulay pag-usab usa ka bahin sa kinabuhi. Kon nasipyat kamo sa usa ka adlaw sulayi pag-usab ugma. Makahimo kamo niini!
Pag-ampo alang sa panabang! Ang Langitnong Amahan nasayod unsay inyong gikinahanglan aron makab-ot ang inyong tumong. Salig Kaniya.
Hunahunaa pag-usab ang inyong tumong: Kon naghimo mo og tumong nga lisod kaayo, sulayi ang paghimo og sunod-sunod nga ginagmay nga mga tumong nga makatabang ninyo nga makab-ot kini. [Gamayng pahinumdom: Kon gusto mo nga magpraktis og ukulele kada adlaw, tingali pagsugod og 15 minutos imbis sa usa ka oras.]
Teknik sa Tumong
Mga ideya sa pagtabang ninyo nga makab-ot ang inyong mga tumong
-
Gamita ang inyong phone. Subaya ang inyong mga tumong gamit ang usa ka app sa inyong phone sama sa Gospel Living nga app. Mahimo usab nga inyong sulayan ang pag-usab ang screensaver o password sa inyong phone ngadto sa ngalan sa inyong tumong aron matabangan mo sa paghinumdom niini.
-
Gamita ang inyong salamin. Ipapilit ang inyong mga tumong sa salamin sa inyong kasilyas aron matabangan mo nga mahinumdom niini matag higayon nga magsipilyo mo sa inyong ngipon.
-
Gamit og usa ka garapon. Kon magtrabaho og lisod nga tumong, pagsulat og gagmay nga “kalamposan” diha sa papel nga wala na magamit o sa tukog sa popsicle ug ibutang kini sa usa ka garapon. Kon kamo mawad-an og kadasig, basaha ang mga butang nga nagmalamposon.
-
Ipaambit ang inyong tumong. Sultihi ang usa ka tawo unsay inyong gitrabaho. Hangyoa sila nga mohimo ninyo nga adunay tulubagon!