“Ang mga Talanton,” Alang sa Kalig-on sa Kabatan-onan, Peb. 2023.
Ang mga Sambingay sa Manluluwas
Ang mga Talanton
Unsa ang sambingay?
Ang tawo mihatag sa iyang tulo ka sulugoon og mga talanton, o kwarta, sumala sa ilang mga abilidad.
Ang usa ka sulugoon nakakuha og lima ka talanton, ang lain nakakuha og duha ka talanton, ug ang kataposan nakakuha og usa ka talanton.
Ang sulugoonn nga may lima ka talanton migamit sa iyang mga talanton aron makaganansya, nagdoble sa iyang mga talanton.
Ang sulugoon nga may duha ka talanton nakapadoble usab sa iyang talanton.
Apan ang sulugoon kinsa nakadawat og usa ka talanton nahadlok pag-ayo nga mawala kini nga gitago niya ang kwarta ug wala motrabaho aron makadawat pa og dugang. Ang tawo nga mihatag sa kwarta wala malipay sa sulugoon kinsa wala gani mosulay.
Unsa may gipasabot niini?
Ang Ginoo mihatag kanato og mga talanton (mga gasa o mga abilidad), nga makapanalangin sa atong kinabuhi ug sa mga kinabuhi sa uban. Gusto Siya nga kita molambo ug madugangan ang atong mga talanton. Kon kita dili motrabaho aron mahimong mas maayo ug makaangkon og ubang mga talanton, mahimong mawala nato ang mga talanton nga gihatag kanato. Apan kon kita matinud-anon nga mopalambo sa mga gasa ug mga abilidad nga gihatag sa Ginoo kanato, kita mahimong mas mahisama Kaniya ug makahibalo sa atong balaan nga potensyal.