“Unsay buot ipasabot ni Jesus dihang miingon Siya nga, ‘Kinahanglang magmahingpit kamo’?,” Alang sa Kalig-on sa Kabatan-onan, Peb. 2023.
Direkta sa Punto
Unsay buot ipasabot ni Jesus dihang miingon Siya nga “Kinahanglang magmahingpit kamo”?
Ang Manluluwas miingon, “Kinahanglang magmahingpit kamo ingon nga hingpit ang inyong Amahan nga atua sa langit.” (Mateo 5:48). Dili kini usa ka pagdapit aron himoon ang tanan nga walay pagkasayop. Pagdapit kini aron mas masabtan ang plano sa Langitnong Amahan ug mosunod Kaniya.
Sa Bag-ong Tugon, ang Griyego alang sa pulong nga hingpit nagpasabot og kompleto, tibuok, o hingpit nga pagkaugmad, nakakab-ot sa gitinguha nga tumong. Si Jesukristo nagdapit kanato sa pagpaningkamot alang niana nga matang sa pagkahingpit. Ug Siya lamang ang makatabang nato sa pagkab-ot niini—sa kataposan.
Ang atong Amahan sa Langit gusto nga makabaton kita og pisikal ug espirituwal nga pagkahingpit sama sa Iyang naangkon. Dayon maangkon nato ang usa ka kahingpitan sa kalipay sama sa iyang naangkon. Pinaagi sa Pagkabanhaw ni Jesukristo ug sa maulaon nga sakripisyo, kita mamahimo nga hingpit—sa kataposan.
Nahibalo ang Langitnong Amahan nga kita dili pa mahingpit niining kinabuhia. Apan sa Iyang plano, makapili kita nga makaangkon og hugot nga pagtuo kang Jesukristo, mohimo og mga pakigsaad, maningkamot nga makasunod sa mga sugo, ug maghinulsol sa matag higayon nga masayop kita. Dayon Siya mopanalangin kanato niining kinabuhia ug—sa kataposan, human niining kinabuhia—maghimo kanato nga hingpit.