“Pagsalig sa Ginoo sa Makahahadlok nga mga Panahon,” Alang sa Kalig-on sa Kabatan-onan, Peb. 2023.
Makahimo Ko sa Tanang Butang pinaagi kang Kristo
Ang kabatan-onan nagpaambit kon sa unsang paagi si Kristo milig-on kanila sa pagbuhat sa lisod nga mga butang (tan-awa sa Mga Taga-Filipos 4:13).
Pagsalig sa Ginoo sa Makahahadlok nga mga Panahon
Niadtong Disyembre 2021 dihay dakong sunog duol sa akong balay. Ang hangin mipakusog sa kalayo, ug dili na makontrol. Kusog kining mikatap sa kasilinganan ug sa mga tindahan.
Sa dihang ang among pamilya unang nakadungog mahitungod sa sunog, kami didto sa sentro sa mga bisita sa templo. Nag-ampo mi pag-ayo nga ang among mga higala ug pamilya luwas ra unta.
Desperado kami nga kinahanglang mosalig sa Ginoo. Nakahatag kini nako og kalinaw ug kahupayan nga makahibalo nga kon kita mosalig Kaniya, OK ra ta, bisan unsa pay mahitabo. Nianang gabhiona ang hangin mikalma na ug ang mga bombero nakakontrol na sa kalayo.
Ang among balay luwas ra, pero ang duol nga mga lungsod nahurot. Nasayod ko nga kadtong tanang talagsaong mga tawo nga nawad-an sa ilang mga panimalay ma-OK ra. Ang Ginoo motabang kanila.
Mabati nako ang gugma sa Ginoo alang nako ug sa tanan Niyang mga anak. Ang pagsalig sa gugma sa Ginoo usa ka butang nga talagsaon. Isalig ang inyong kaugalingon diha sa Iyang mga kamot, ug daghang panalangin ang moabot kaninyo.
Corgan W., Colorado, USA