Makahimo Ko sa Tanang Butang pinaagi kang Kristo

Ang kabatan-onan nagpaambit kon sa unsang paagi si Kristo milig-on kanila sa pagbuhat sa lisod nga mga butang (tan-awa sa Mga Taga-Filipos 4:13).

Ang Manluluwas Nagtabang Kanako nga Makapaambit sa Ebanghelyo

Ang Manluluwas kanunay nga nagtudlo sa mga tawo ug nagpakamisyonaryo. Kana nagtabang kanako nga mobati nga ako mamahimo usab nga misyonaryo. Sa akong boarding school, daghang tawo ang nahibalo nga miyembro ko sa Ang Simbahan ni Jesukristo sa mga Santos sa Ulahing mga Adlaw. Subo lang, kanunay silang makadungog og mga butang nga dili tinuod mahitungod sa Simbahan, ug sa kasagaran wala sila kahibalo nga kita mga Kristiyano. Naningkamot ko nga masultihan sila—apan labaw sa tanan, naningkamot ko nga ako makapakita nila pinaagi sa pagpaningkamot nga mosunod sa ehemplo ni Jesukristo.

Makaguol usahay, apan nasayod ko nga kon mosalig ko sa Dios ug magpadayon sa pagtabang kutob sa akong mahimo niini nga buhat, magmalipayon ko.

Eugene O., Kenya