“Fakafehokotaki,” Ki Hono Fakamālohia ʻo e Toʻutupú, Fēpueli 2023.
Fakafehokotaki
Cindy V.
18, ʻUlukuai
Faitā ʻa Daniel Martinez
ʻI he ngaahi taʻu siʻi kuohilí, naʻe fakahoko ʻe he kau faifekaú ha ʻekitivitī pea fakatukupaaʻi e toʻutupú kotoa ke tuku taʻefakaʻaongaʻi ʻenau telefoní mo e mītia fakasōsialé ʻi ha ngaahi ʻaho siʻi koeʻuhí ke nau lava ʻo tokanga taha ange ʻi he ongoongoleleí pea lava ke vahevahe ia mo e niʻihi kehé. Naʻá ku tali ʻa e fakatukupaá peá u vahevahe ʻa e ongoongoleleí mo ha kaungāmeʻa peá u fakamatala ange e fakatukupā ʻa e kau faifekaú. Naʻe fie fanongo ʻa e kaungāmeʻa ko iá pea kamata talanoa mo e ongo faifekaú. Naʻe papitaiso ia ʻi ha ngaahi māhina siʻi pē mei ai.
ʻOku ou saiʻia ʻaupito ke fai e fakahokohoko fakamotuʻaleá mo e hisitōlia fakafāmilí. ʻOku ou faʻa fakataha he taimi ʻe niʻihi mo hoku kāingá mo e kau mēmipa kehe ʻo e fāmilí ke ngāue ki he hisitōlia fakafāmilí. ʻOku ou saiʻia ke tokoni ki he niʻihi kehé ke fai ʻenau hisitōlia fakafāmilí. ʻOku mau ʻave leva e ngaahi hingoa ko iá ki he temipalé.
ʻI he kahaʻú, te u fai ha ngaahi fuakava ʻi he temipalé ʻi hono maʻu hoku ʻenitaumení pea silaʻi aú. ʻOku ou teuteu fakalaumālie ke fai e ngaahi fuakava ko iá mo feinga mālohi ke fai ʻa ia ʻoku totonú. ʻOku mahuʻinga ʻaupito ke u maʻu e Laumālié ke maluʻi au mei he ʻahiʻahí.