“ʻOku Tokoniʻi Au ʻe he Fakamoʻuí ke u Vahevahe ʻa e Ongoongoleleí,” Ki Hono Fakamālohia ʻo e Toʻutupú, Fēpueli 2023.
ʻOku ou Faʻa Fai ʻa e Ngaahi Meʻa Kotoa Pē ʻia Kalaisi
Ko e vahevahe ʻe he toʻutupú ʻa e founga kuo fakamālohia ai kinautolu ʻe Kalaisi ke nau fai ʻa e ngaahi meʻa ʻoku faingataʻá (vakai, Filipai 4:13).
ʻOku Tokoniʻi Au ʻe he Fakamoʻuí ke u Vahevahe ʻa e Ongoongoleleí
Naʻe akoʻi maʻu pē ʻe he Fakamoʻuí ʻa e kakaí mo hoko ko ha faifekau. ʻOku tokoni ia ke u ongoʻi te u lava foki ʻo hoko ko ha faifekau. ʻOku ʻiloʻi ʻe ha kakai tokolahi ʻi hoku ʻapiako nofomaʻú ko ha mēmipa au ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Meʻapangó, ʻoku nau faʻa fanongo ki ha ngaahi meʻa fekauʻaki mo e Siasí ʻoku ʻikai moʻoni, pea ʻoku ʻikai ke nau faʻa ʻilo ʻoku tau Kalisitiane. ʻOku ou feinga ke fai ha fakamatala kiate kinautolu—kae mahuʻinga angé, ʻoku ou feinga ke fakaʻaliʻali kiate kinautolu ʻaki ʻeku feinga ke muimui ki he sīpinga ʻa Sīsū Kalaisí.
ʻE lava pē ke fakataʻelata he taimi ʻe niʻihi, ka ʻoku ou ʻilo kapau te u falala ki he ʻOtuá pea hokohoko atu ke tokoni ki he lelei taha te u lavá ʻi he ngāué ni, te u ongoʻi fiefia.
Eugene O., Keniā