Ko e Ngaahi Talēnití

Ko e hā ʻa e talafakatātā?

ʻOku foaki ʻe ha tangata ha talēniti pe paʻanga ki heʻene kau tamaioʻeiki ʻe toko tolú, ʻo fakatatau mo e meʻa ʻoku nau malavá.

ʻOku maʻu ʻe ha tamaioʻeiki ʻe taha ha talēniti ʻe nima, ko e taha ʻokú ne maʻu ha talēniti ʻe ua, pea ʻoku maʻu ʻe he fakaʻosí ha talēniti ʻe taha.

Naʻe fakaʻaongaʻi ʻe he tamaioʻeiki mo e talēniti ʻe nimá ke fakatupulaki, ʻo liunga ua ʻene ngaahi talēnití.

Naʻe liunga ua foki mo e tamaioʻeiki naʻe ua ʻene talēnití.

Ka naʻe fuʻu ilifia ʻa e tamaioʻeiki naʻá ne maʻu ha talēniti ʻe tahá naʻa mole ia ʻo ne fufuuʻi ai e paʻangá pea ʻikai ke ne ngāue ke maʻu ha meʻa lahi ange. Naʻe loto-mamahi ʻa e tangata naʻá ne foaki ʻa e paʻangá ʻi he tamaioʻeiki naʻe ʻikai ke ne feingá.

Ko e hā hono ʻuhingá?

Kuo foaki mai ʻe he ʻEikí ha ngaahi talēniti (ngaahi meʻa-foaki pe ngaahi meʻa te tau malava), te ne lava ʻo tāpuekina ʻetau moʻuí mo e niʻihi kehé. ʻOkú Ne finangalo ke tau fakalakalaka mo fakatupulaki hotau ngaahi talēnití. Kapau he ʻikai ke tau ngāue ke hoko ʻo lelei ange mo maʻu ha ngaahi talēniti kehe, ʻe ala mole meiate kitautolu ʻa e ngaahi talēniti kuo foaki maí. Ka ʻo kapau te tau fakatupulaki faivelenga ʻa e ngaahi meʻa-foaki mo e ngaahi meʻa te tau malavá kuo foaki mai ʻe he ʻEikí, te tau hoko ʻo tatau ange mo Ia mo ʻiloʻi hotau tuʻunga fakalangí.