“Ko Hai ʻa e Fuofua Kau ʻAposetolo ʻa Sīsū Kalaisí?,” Ki Hono Fakamālohia ʻo e Toʻutupú, Fēpueli 2023.
Haʻu, ʻo Muimui ʻIate Au
Mātiu; Maʻake; Luke; Sione
Ko Hai ʻa e Fuofua Kau ʻAposetolo ʻa Sīsū Kalaisí?
ʻIlo lahi ange fekauʻaki mo e kau tangata angamaheni naʻe ui ʻe he Fakamoʻuí ke nau fai ha ngaahi meʻa makehé.
Tā fakatātaaʻi ʻe Carolyn Vibbert
Pita
Naʻe nofo ʻi Kapaneume mo hono uaifí mo ʻene faʻeé.
Foha ʻo Sona; tokoua ʻo ʻAniteluú.
ʻIloa ko Saimone; pea toki ʻoange ʻe Sīsū ʻa e hingoa ko Pita pe Kīfasi, ʻo ʻuhinga ko e “maka.”
Ko e ʻAposetolo pulé ia peá ne maʻu ʻa e ngaahi kī ʻo e puleʻanga ʻo e ʻOtuá ʻi he māmaní mei he ʻEikí.
ʻAnitelū
Mahalo naʻá ne nofo mo Pita ʻi Kapeneume.
Foha ʻo Soná; ko e tokoua ʻo Saimone Pitá, mahalo ʻoku siʻisiʻi ange ai.
Tangata toutai mo Pita.
Ākonga ʻo Sione Papitaiso.
ʻOmi ʻa Pita ke feʻiloaki mo Sīsū.
Ko e taha ʻo kinautolu ne fuofua ui ke hoko ko ha ākongá.
Sēmisi
Naʻe ʻi he veʻe matātahí mo Sione mo ʻena tamaí ʻi hono ui kinaua ʻe Sīsuú.
Foha ʻo Sēpeti; tokoua ʻo Sioné.
Foaki ange ʻa e hingoa Poaneasesi, pe “ongo foha ʻo e maná,” fakataha mo Sione.
Naʻe kole ʻe heʻene faʻeé kia Sīsū ke foaki ha nofoʻanga hono ongo fohá ʻi Hono puleʻangá.
Ko e taha ʻo e meʻaʻofa ʻe tolu ʻi hono fokotuʻu moʻui ʻo e ʻofefine ʻo Sailosí, ko e Moʻunga ʻo e Liliú, mo Ketisemaní.
Sione
Naʻe ui ia mo hono tokouá ko Poaneasesi, pe “ongo foha ʻo e maná.”
Foha ʻo Sēpeti; tokoua ʻo Sēmisí.
Naʻe angamaheni ʻaki hono ui ko “ʻOfeina”; naʻá ne ui pē ʻe ia ia “ko e ākonga ko ia naʻe ʻofa ai ʻa Sīsuú.”
Ko ha tangata toutai ʻi heʻene kei siʻí.
Naʻá ne tokangaʻi e faʻē ʻa e Fakamoʻuí, ʻa Mele, hili e pekia ʻa Sīsuú.
Ko e taha ʻo e toko tolu ne ʻi ai ʻi hono fakamoʻui ʻo e ʻofefine ʻo Sailosí, ko e Moʻunga ʻo e Liliú, mo Ketisemaní.
Filipe
ʻO Petesetá.
Fakafeʻiloaki ʻa Nataniela kia Sīsū.
Nataniela
Kaungāmeʻa ʻo Filipe.
Nofo ʻi Kena ʻi Kāleli.
ʻOku pehē ʻoku ʻuhinga ʻa e ongo hingoa Patolomiu mo Nataniela ki he tokotaha tatau pē.
Tōmasi
Naʻe toe ui foki ko Titimasi.
ʻOku fakatou ʻuhinga ʻa e Titimasí mo e Tōmasí ko e “māhanga.”
Naʻe ui ko “Tōmasi taʻe tui” koeʻuhí ne ʻikai tui ki he Toetuʻu ʻa Sīsuú kae ʻoua kuo mamata kiate Ia.
Mātiu
Naʻe toe ʻiloa foki ko Līvai.
Foha ʻo ʻAlefeusi.
Naʻá ne tānaki tukuhau ʻi Loma mei hono kaungā Siu ʻi Kapaneumé, ʻo ʻikai saiʻia ai e kakai Siú.
Hili hono uiuiʻí, naʻá ne fai ha kātoanga kai mo e kau tānaki tukuhaú mo ha niʻihi kehe, ʻa ia naʻe kau atu ki ai ʻa Sīsū.
Tokotaha faʻu tohi ʻo e Kosipeli ʻa Mātiú.
Sēmisi
Ngalingali ko ha tokoua ʻo Mātiu.
Foha ʻo ʻAlefeusi.
Sute
Faʻa ui ko Sūtasi Sēloté pe Sūtasi Taitusi
Saimone
Naʻe ui foki ʻa Saimone ko e Kēnaní pe ko Saimone ko e Sēloté, pe ko e kau Sēloté.
Ko e kau Sēloté ko e kau Siu naʻa nau fuʻu mamahiʻi e laó. Naʻa nau fakafisingaʻi ʻa e mafai ʻa Lomá pe ko ha faʻahinga mafai muli pē pea nau feinga ke tuli ʻa e Puleʻanga Lomá mei he Fonua Tapú.
Mahalo pē naʻá ne feohi mo e kulupu ko ʻení pe naʻá ne mamahiʻi ʻa Sīsū Kalaisi mo ʻEne ongoongoleleí.
Sūtasi
Mahalo mei Kiliote ʻi he fakatonga ʻo Siuteá pea ko ia ko e ʻAposetolo pē ʻe taha naʻe ʻikai haʻu mei Kāleli.
Naʻe fili ko e tauhi paʻanga ʻi he lotolotonga ʻo e kau ākongá.
Lavakiʻi e Fakamoʻuí ʻaki ha konga siliva ʻe 30.