Era Gadrevi na Dautataro
Tikina lavetaki
Ni da tisaipeli i Jisu Karisito, meda ivakaraitaki vinaka ni veimaliwai kei ira na tani—vakabibi ni tiko na duidui ni vakasama. E dua na sala rawarawa duadua me kilai kina e dua ka muri Jisu Karisito dina sai koya na ivalavala ni nona qaravi ira na tani ena yalololoma na tamata oya. …
… O ira na Nona tisaipeli dina era tara cake, veilaveti, veivakayaloqaqataki, ka veivakauqeti—veitalia na dredre ni ituvaki. O ira na tisaipeli dina i Jisu Karisito era dau veiyaloni. …
Na Veisorovaki ni iVakabula e vakayacora me rawa kina vei keda me da vorata na ca kecega oka kina na veileti.
Kemuni na taciqu kei na ganequ lomani, na ivakarau eda cakava veikeda vakaikeda e ka bibi dina! Na ivalavala ni noda vosa vei ira se baleti ira na tani e vale, e valenilotu, e vanua ni cakacaka, se ena mona livaliva e ka bibi dina. Ni kua, au vakamasuti keda meda veimaliwai kei ira na tani ena sala cecere, ka vakalou sara. …
Na loloma uasivi sai wali ni veileti. Na loloma uasivi sai koya na isolisoli vakayalo ka vukei keda meda biuta tani na tamata vakavuravura, e daunanumi koya ga, dau vakadonui koya, qaciqacia, ka dau vuvu. Na loloma uasivi sai koya na itovo ni bula bibi duadua ka kilai kina ni dua sa daumuria vakaidina na Karisito. Na loloma uasivi e vakatakilakilataka e dua na dautataro. …
… Au sureti kemuni mo ni nanumi Jisu Karisito. Masuta me tiko na yalodoudou kei yalomatua me cavuti se vakayacori na ka ena cakava o Koya. Ni da muria na Tui ni Sautu, eda na yaco me da Nona dautataro. …
… Nikua au sureti iko mo dikeva nomu bula vakatisaipeli ena rarama ni ivakarau o vakarautaka vei ira na tani. Au vakalougatataki iko mo cakava na veisau ka gadrevi me vakaturaga kina nomu itovo, veidokai ka matataka edua ka muri Jisu Karisito ena yalodina.