Veiqaravi
Veitikina lavetaki
Ni da daumuri Jisu Karisito, eda vakasaqara me da veiqaravi me vakai Koya, baleta ni wawa tu na bula eso me ra veisau. …
Ena veivanua au gole kina, au vakavinavinaka niu vuli mai vei ira na dau veiqaravi ka kauwai tiko me vakataka na iVakabula. …
Na veiqaravi cecere ka vakatabui e lako mai ni da kerea ena masu na “loloma dina va Karisito” [raica na Moronai 7:47–48] ka vakamuria na Yalotabu. …
… E vuqa na vanua, e rawa me da sasaga yani ena noda veikilai taki keda ena ituvaki era tiko kina, ka taraicake na veiwekani ni da veisikovi vakawasoma i na nodra veivale. Na veisureti vakauqeti e veisautaka na bula. Na veisureti e vukea na noda maroroya na veiyalayalati tabu, eda toso voleka vua na Turaga kei keda vakai keda. …
Na veiqaravi e vakauqeti e vakalougatataka na matavuvale kei na tamata yadua; e vakaqaqacotaka talega na tabanalevu kei na tabana. …
Sa ivakaraitaki cecere dina na noda iVakabula. Baleta ni sa daucaka vinaka ko Koya, ena dau lako tikoga ka cakavinaka tikoga. E vakalougatataka na dua kei na 99. Sai Koya na ivakaraitaki dina ni veiqaravi. …
O Jisu Karisito e dau veiqaravi. Era veiqaravi na agilosi. … Ni da veiqaravi vakataki Koya, eda vakadinadinataka na Nona cakamana kei na veivakalougatataki. …
Na vanua cava ga eda tu kina ena gauna ni Siganimate oqo, me da dodoliga yani ka kauwai me vakataka na iVakabula, vakabibi vei ira e soli vei keda na madigi me da lomana ka lesi me da veiqaravi kina. Ni da cakava vaka kina, me da toro volekati Jisu Karisito kei keda vakayadua me da vakataki Koya vakalevu cake ka me da dauvakamuri Jisu Karisito ka yaco me da tamata e vinakata o Koya meda vakataka.