Soqoni ena Mataka ni Sigatabu
A Taura tu na Lomaqu na Vakasama Oqo me Baleti Jisu Karisito
Tikina lavetaki
Dua na italanoa talei ena iVola i Momani e tukuna e dua na cauravou mai na matavuvale rawaka na yacana o Alama ka vakamacalataka na ivolanikalou me dua na tawavakabauta. …
Ena levu ni nona yaluma, sa nanuma o koya na nona a vakatavulici ni se gone ena “lako mai ni dua o Jisu Karisito, na Luve ni Kalou, me sorovaka na valavala ca ni kai vuravura” [Alama 36:17]. … Ena nona kerea na kaukauwa vakalou ni iVakabula, a yaco e dua na ka veivakurabuitaki. … Vakasauri ga nona vakila na vakacegu kei na rarama. …
A “sa nanuma rawa” o Alama na dina me baleti Jisu Karisito. …
… Na cakacakataki ni vakabauta ena dina oya, vakakina na kaukauwa kei na loloma soliwale ni Kalou, a vakabulai kina o koya mai na yaluma ka vakasinaiti tu ena nuinui.
… Na lomada talega sa “nanuma rawa na ka oqo” baleti Jisu Karisito kei na Nona solibula loloma, ka sa vakila na yaloda na rarama kei na reki e muria mai. …
… Na noda lomani Koya ena sega ni taqomaki keda mai na rarawa kei na yaluma ena bula oqo, ia ena vakatara vei keda meda lako curuma na bolebole ena kaukauwa eda sega ni yacova rawa. …
Ena noda vakanamata tu vei Jisu Karisito, na ka kece e wavoliti keda—ni se tikoga—sa vakatakilai kina na noda lomani Koya. … Ni ko tomana tiko mo taura vagumatua na vakasama oqo i Jisu Karisito, vakararavi Vua, ka muria Nona vunau, au yalataka vei iko sega ni veituberi walega vakalomalagi ia na kaukauwa vakalomalagi—na kaukauwa e vakavure qaqa ki na nomu veiyalayalati, vakacegu ki na dredre eso, kei na reki ki na nomu veivakalougatataki.