Duabau vei Karisito
Veitikina lavetaki
Ena vukui Jisu Karisito duadua ga eda na rawa dina kina ni duabau.
Na duabau vei Karisito e yaco yadudua—eda tekivu yadua vei keda vakataki keda. Eda sa ka‑bula rua na tikida ena yago kei na yalo ka so na gauna eda veivala tikoga e lomada. …
O Jisu talega e dua na ka‑bula vakayagona kei na yalona. A vakatovolei, a kila, sa rawa kina ni vukei keda o Koya me da rawata na duavata e lomada.
… Me da “tauri Karisito” sa okati dina kina noda cakava na Nona “imatai ka ivakaro cecere” [raica na Maciu 22:37–38] me noda imatai ka yalayala cecere duadua, ia kevaka eda lomana na Kalou, eda na muria na Nona ivunau.
Ena tubu na duavata kei ira na tacida kei na ganeda ena yago i Karisito ni da muria na ikarua ni ivunau—ka semati vakadodonu ki na kena imatai—me da lomani ira na tani me vakataki keda. …
Ni da sa “tauri Karisito,” sa na rawa kina me da walia se da biuta vakatikitiki na duidui, na vakaduidui ile, kei na veileti. …
Na duavata e sega ni gadrevi kina na tautauvata, ia e gadrevi kina na lomavata. Ena rawa ni talivata tu na utoda ena loloma, duavata ena vakabauta kei na ivunau, ka cuqena tiko na timi duidui, sega ni duavata ena duidui ni rai vakapolitiki, vakalewa baleta na lalawa eso kei na sala dodonu mera rawati kina, kei na veika duidui tale eso. Ia eda na sega ni rawa ni sega ni duavata se veisaqasaqa ena yaloca vakataki keda. …
Au kaya tale ena vuku duadua ga ni noda yalodina yadua vei Jisu Karisito e rawa ni da vakanuinui kina me da dauabau—duabau e loma, duabau mai vale, duabau ena Lotu, qai kena ilutua duabau e Saioni, kena ituvuka, duabau kei Tamada kei na Luvena kei na Yalo Tabu.