Rawata na Kaukauwa ni Kalou mai na Veiyalayalati
Veitikina lavetaki
Ni se bera ni buli na vuravura, sa tauyavutaka na Kalou na veiyalayalati me gacagaca eda, na rawata kina na Luvena meda vakaduavatataki kina kei Koya. …
… Eda na veiyalayalati ga ni sa noda inaki me da soli keda vakadua me da rawata. Sa yaco kina me da luve ni veiyalayalati ni Kalou ka taukena na Nona matanitu, vakauasivi ni da sa vakatakilakilataki keda ena veiyalayalati.
Na vosa salatu ni veiyalayalati na kena ibalebale e vica na veiyalayalati veitaravi eda lako mai kina vei Karisito ka semati Vua. Ena ivau ni veiyalayalati oqo, eda na rawata kina na Nona kaukauwa tawamudu. E tekivu na salatu ena vakabauti Jisu Karisito kei na veivutuni, qai tarava mai na papitaiso kei na ciqomi ni Yalo Tabu. …
Na salatu ni veiyalayalati e liutaki keda ki na veicakacaka vakalotu ni valetabu, me vaka na edaumeni ni valetabu. Na edaumeni sai koya na isolisoli ni Kalou ni veiyalayalati tabu ka na taucoko kina noda semati Vua. …
Ni da maroroya na veiyalayalati e vakayacori ena tobu ni veipapitaisotaki kei na loma ni valetabu sa vakarautaki keda talega ena igu me da rawata kina na veivakatovolei kei na mosi ni bula oqo. …
Ni o lakova na salatu ni veiyalayalati mai na papitaiso ki na valetabu kei na bula taucoko, au yalataka vei kemuni na kaukauwa mo ni vorata kina na idre ni vuravura sa matau tu—na kaukauwa mo ni vulica, na kaukauwa mo ni veivutuni ka savai, kei na kaukauwa mo kunea na inuinui, logavinaka, vakakina na reki ni o sotava tu na veibolebole eso ni bula. Au yalataka vei kemuni kei na nomuni matavuvale na veitaqomaki mai na veivakayarayarataki ni vunica, vakauasivi ni sa vakanamata vakatabakidua kina valetabu na nomuni bula.