Dauvakamumuri ni Tui ni Sautu
Tikina lavetaki
Me vaka na tisaipeli ni Tui ni Sautu, eda sa vakasalataki meda bula ni “semati [tu] na [lomada] ena duavata kei na veilomani vakataki [keda]” [Mosaia 18:21]. …
… Dua na ivakatakilakila dei levu sara ni da sa toro voleka tiko kivua na iVakabula ka vakataki Koya vakalevu cake oya na sala lomani, malua, kei na yalovinaka eda sa kauwaitaki ira kina na wekada, se vakaevei na ituvaki. …
… e sega ni veivakurabuitaki ni dua na ivadi ni vunica oya me vakavureya na veicacati kei na veileti ena lomadra na luve ni Kalou. E marau o koya ni raica na tamata ni ra veileti, veivakaduiduitaki, ka veivakacacani vakai ira. …
Na taciqu kei na ganequ lomani, ni da saga tu ni vakatorocaketaka na ivakarau vakataka na iVakabula, sa rawa ni da yaya ni cakacaka ni Nona vakacegu ena vuravura me vaka na ivalavala sa tauyavutaka tu o Koya. Au sureti iko mo navuca na sala eso eda rawa ni veisautaki keda kina meda tamata dauveilaveti ka dauveitokoni, na tamata yalomatua ka dauveivosoti, na tamata ka vakacerecerei ira na tani, ka nanuma tikoga “na ka kecega e savasava, totoka, se rogorogo vinaka se dokai, [eda] sa gadreva na veika oqo” [Yavu ni Vakabauta 1:13].
Au yalataka vei iko ni da sasagataka ka vakatorocaketaka na ivakarau oqo, ena yaco me da na dauveiyaloni ka veikauwaitaki tu ki na nodra gagadre na wekada ka vakila na reki, vakacegu, kei na tubu vakayalo.