O Jisu Karisito na Veivakacegui
Tikina lavetaki
Eda dreketa yadudua tiko e dua na kato vakaibalebale. …
Na kato vakaibalebale oqo e taubena tiko na ibolebole ni bula ena vuravura qo. Na noda ibolebole e vaka na vatu e tawa toka ena kato. …
Au vakaraitaka ena yalo marau ni noda ibolebole e na bula oqo, na vatu era tiko ena kato vakaibalebale oqo, e sega ni dodonu me bibi sara.
O Jisu Karisito e rawa me vakamamadataka na kena bibi.
O Jisu Karisito e rawa me laveta noda icolacola.
O Jisu Karisito e rawa ni vakarautaka e dua na sala me da vakacegui kina mai na bibi ni valavalaca.
O Jisu Karisito e noda dau veivakacegui. …
Na cava tale eda via laveta duadua tiko kina na noda vatu? …
Taciqu kei na ganequ, au sega ni rawa niu cakava duadua, ka sega ni dodonu me vaka kina, kau na sega ni cakava duadua. …
O ira na maroroya na nodra veiyalayalati era vakalougatataki ena veivakacegui ni iVakabula. …
Na veivutuni ena Veisorovaki i Jisu Karisito sa ikoya na veivakacegui mai na bibi ni vatu ni valavalaca. …
Na veisorovaki i Jisu Karisito e vakatara meda ciqoma na kaukauwa me da veivosoti, okoya e vakatara me da luvata na bibi eda laveta tu baleta na nodra cakaca vei keda eso.
E vakacegui keda vakacava na iVakabula mai na icolacola ni bula ena vuravura veilecayaki vata kei ira na bula tiko ena rarawa kei na mosi?
Vuqa na gauna, e cakava o Koya na veivakacegui oqo ena vukuda! …
Na noda veivakalougatataki ni veiyalayalati sa ikoya meda veitokani kei Jisu Karisito me solia na veivuke, vakayago ka vakayalo, vei ira kece na luve ni Kalou. …
Kemuni na taciqu kei na ganequ, o Jisu Karisito na veivakacegui. … Na veivakacegui e solia o Koya e tawamudu.