Osana ki vua na Kalou sa Cecere Sara
Tikina lavetaki
Voleka ni 2,000 na yabaki sa oti na Sigatabu ni Curu Vakatui a dusia tu na itekitekivu ni otioti ni macawa ni kaulotu e vuravura i Jisu Karisito. …
… Na curuqaqa i Jisu Karisito ki Jerusalemi kei na veika a yaco ena macawa ka tarava e vakaraitaka na ivakavuvuli eda rawa ni bulataka edaidai. …
iMatai, na parofisai. …
iKarua, na veitokani ni YaloTabu. …
iKatolu, bula vakatisaipeli. …
iKava, na Veisorovaki i Jisu Karisito. …
Na iotioti ni macawa ni Nona kaulotu e vuravura, a solia kina o Jisu Karisito na vosa vakatautauvata ni goneyalewa e lewe tini. … A vakayagataka o Koya na ivakatakarakara ni cina e uturi ka caudre tiko, kei na ikuri ni waiwai me vakania na yameyame, vaka dua na ivakamacala ni lomasoli me bulataka Nona sala, Nona dina, ka wasea Nona rarama.
O keda, me vakataki iratou na goneyalewa e lewe tini, e tu noda cina; ia e tu beka noda waiwai? Au leqataka ni so era toso tiko ena dua walega na tiki mamare ni waiwai, ka rui osooso ena veika vakavuravura me ra vakavakarau vakavinaka. Na waiwai e lako mai na vakabauta kei na cakacakataka na parofisai kei na nodra vosa na parofita bula, vakabibi o Peresitedi Nelson, nona Daunivakasala, kei iratou na iApositolo Le Tinikarua. Na waiwai e dau vakatawana na yaloda ni da rogoca ka vakila na Yalo Tabu ka cakacakataka na veidusimaki vakalou oya. Na waiwai e dau sovaraki ki na yaloda ni da vakaraitaka na noda lomana na Turaga ena noda digidigi ka da lomana na ka e lomana o Koya. Na waiwai e dau lako mai ena veivutuni kei na kena vakasaqarai na veivakabulai ni Veisorovaki i Jisu Karisito.