Na iVakavuvuli i Jisu Karisito
Tikina lavetaki
Me vaka e vakatavulica vei keda na parofita o Nifai, e dodonu me da “tukuca sobu na vosa i Karisito; raica na vosa i Karisito sa tukuna vei kemudou na veika kece mo dou kitaka.”1 … Na noqu itukutuku nikua e okati kina na digitaki ni vosa ni noda iVakabula—na ka e tukuna o Koya. …
“[Na vunau cecere ena lawa o ya:] Mo lomani Jiova na nomu Kalou ena lomamu taucoko kei na yalomu taucoko kei na nomu nanuma kecega.
“Ai matai ni vunau oqo ka levu.
“A sa tautauvata na kenai karua, Mo lomana na kai nomu me vaka ko lomani iko.
“Sa vu ni vunau taucoko kei ira na parofita na vunau e rua oqo.”2 …
“E dina, e dina, au sa kaya vei kemudou, mo dou dauvakatawa ka masu tikoga, me kakua ni temaki kemudou na tevoro ka kauti kemudou tani vakavesu.”3 …
“O koya mo ni kitaka kina na ka kecega ko ni sa kitaka ena yacaqu, o koya mo ni vakatoka kina na lotu oqo ena yacaqu.”4 …
“Ia oqo na ivakaro: Mo ni veivutuni, koi kemuni kecega mai na iyalayala kei vuravura, ka lako mai vei au ka papitaisotaki ena yacaqu, mo ni vakatabui kina ena isolisoli ni Yalo Tabu mo ni duri ka sega ni tauvi duka kina e mataqu ena siga mai muri.”5 …
Eda vakabauti Karisito. Au na tinia ena Nona kaya baleta na sala me da na kila ka muria kina na Nona ivakavuvuli:
“Ia na Dauveivakacegui, na Yalo Tabu, ko koya ena tala mai ko Tamaqu e na yacaqu, ena vakavulici kemudou ena ka kecega kau a vosataka vei kemudou.”6