Na iTalanoa Levu Duadua ni Siganimate e Bau Tukuni
Tikina lavetaki
Eda tuvalaka vakacava na vakavulici kei na marautaki ni Tucaketale i Jisu Karisito, na italanoa ni Siganimate, vata na ivakarau matau vakalotu e tautauvata, taucoko, ka bibi ena sucu i Jisu Karisito, na talanoa ni Siganisucu? …
… Me ikuri ni tikina bibi eso ni Siganimate ena Veiyalayalati Vou, o keda na Yalododonu Edaidai sa ukucavutaki tu ena isolisoli vinaka duadua ni Siganimate! … Au veivagolei tiko ki na iVola i Momani, vakatabakidua sara, ki na itukutuku i Jisu Karisito ni basika tu vei ira na lewenivanua ena Vuravura Vou, ena Nona lagilagi vakaturicake tale. …
… Keitou nuitaka ni cakava na veitikina oqo ena 3 Nifai me tiki saraga ni ivakarau matau ni Siganimate vaka na Luke 2 ni neitou ivakarau matau ni Siganisucu. Na dina, sa wasea na iVola i Momani na italanoa levu duadua ni Siganimate e bau tukuni. Me sa kakua ni talanoa levu duadua ni Siganimate e tawatukuni.
Au sureti iko mo raica na iVola i Momani ena rarama vou ka navuca na ivakadinadina momona e tiko kina baleta na tucaketale vakaidina i Karisito vakakina na bulabula kei na titobu ni vunau i Karisito. …
Na Nona veisiko vaka iVakabula vakaturicake tale, a vakatakila na Kalou na Tamada, esa itukutuku lagilagi ka talei duadua ni Siganimate. Ena vukei ira noda lewe ni matavuvale ni rawata na nodra ivakadinadina i Jisu Karisito me noda iVakabula ka Dauveivueti, ka sereka tu na ivau ni mate.