Kunea na Nomu Vakacegu
Tikina Lavetaki
Nikua au na vosa tiko ena ka au sa vulica baleta na cakamana ni kena kunei na noda dui vakacegu, se cava ga e yacovi keda. …
Au sa vulica rawa e lima na dina mai na ivakavuvuli ni iVakabula.
iMatai, na isolisoli ni vakacegu ena soli ni sa tiko noda vakabauta me da muria na Nona ivakaro. …
iKarua, na Yalo Tabu ena lako mai ka tiko kei keda. …
iKatolu, na yalayala ni iVakabula ni da maroroya na noda veiyalayalati, eda na vakila na loloma ni Tamada kei na Luvena kivei rau vakakina vei keda. …
iKava, na maroroi ni ivakaro ni Turaga e sega ni gadrevi ga na talairawarawa. Me da sa na lomana na Kalou ena lomada, kaukauwa, vakasama, kei na yaloda taucoko. …
Na ikalima, sa matata sara ni sa lomani keda na Turaga me mai sauma na ivoli ni noda ivalavala ca me rawa kina—ena noda vakabauti Koya kei na noda veivutuni, ena veivakayarayarataki ni Nona Veisorovaki—ni sa noda na isolisoli ni vakacegu sa “uasivia na ka kecega sa kilai rawa” [Filipai 4:7], ena bula oqo vata kei Koya me tawamudu. …
Ira na lewe ni Lotu raraba era sa vakila na isolisoli ni Turaga ni nodra vakacegu. Sa vakayaloqaqataki ira me ra vukea na tamata ena madigi me ra lako mai Vua ka rawata na vakacegu vata o ya me nodra. Era na digitaka me ra vaqara na veivakauqeti me ra kila na sala me ra solia na isolisoli o ya vei ira tale eso.
Na itabatamata e tarava ena yaco me ra dauveisusu ni itabatamata e muri tiko mai. Na veisolisoli oqo ena yaco kina e dua na cakamana. Ena tete ka tubu ni toso na gauna, kei na matanitu ni Turaga e vuravura, ena vakavakarau tu me kidavaki Koya ena kailavaki ni osana. Ena yaco na tiko vakacegu e vuravura.