O Jisu Karisito E Nodra iSakisaki na iTubutubu
Tikina lavetaki
Me vaka ni o Jisu Karisito e isakisaki ni itabagone, o Jisu Karisito talega e nodra isakisaki na itubutubu. …
Na nona lomana na luvena e dua na itubutubu sa ikoya e dua na kaukauwa vakaitamera duadua e vuravura. E dua vei ira na vica na ka ena vuravura oqo ka rawa ni tawamudu vakaidina. …
E dua tale na kaukauwa ka tiko vei iko, vaka dua na itubutubu, sa ikoya na madigi, ni veivakayarayarataki e veisiga. …
E dua tale na sala mana ka dau tokoni ira kina na itubutubu na Turaga oya ena isolisoli ni ivakatakila ki na tamata yadua. Sa dau nanamaki tu na Kalou me sovaraka na Yalona me dusimaki ira na itubutubu. …
E rairai na veivuke bibi duadua beka e vakarautaka tu o Jisu Karisito vei ira na itubutubu sa ikoya na “veisau levu” ni lomadra. Oya e dua na cakamana eda gadreva vakayadua sara. …
… Ena loloma soliwale ni iVakabula, vakalalai e veigauna, ko na tara cake e levu na itovo ni bula ka ra gadreva na itubutubu: na lomani ni Kalou kei ira na Luvena, na dauvosota, sega ni nanumi koya ga vakaikoya, vakabauti Karisito, kei na yaloqaqa me digitaki na veika dodonu. …
Noda sasaga me tarai cake na vakabauti Jisu Karisito e yavutaki e vale, ka vakanamata vua na tamata yadua. Ka tokoni mai na Lotu. Me ikuri ni ivolanikalou tabu kei na nodra vosa na parofita, na Lotu ni iVakabula e vakarautaka tu e vuqa na ivurevure me vukei ira kina na itubutubu kei na gone me ra vakayaco digidigi dodonu. …
Ena ituvatuva ni Tamada Vakalomalagi, na veiwekani ni matavuvale era sa nakiti me tawamudu. Oya na vuna, ni o dua na itubutubu, mo kakua ni soro, kevaka mada ga o sega ni marautaka na veika sa yaco oti.
Ena vukui Jisu Karisito, na Vuniwai Levu ka iVakabula, e sa rawa tikoga ni dua na itekitekivu vou; e dau solia o Koya na inuinui.
O Jisu Karisito na kaukauwa ni matavuvale[,] itabagone[, kei na] itubutubu.